春夏秋冬都是保暖衣

今日游完水排隊等家庭更衣室時，見到前面個男人同佢啲小朋友凍到震，因為佢地穿的是夏天泳衣，男人上半身不穿衣服更凍。為什麼今日明明酷熱警告都會凍？係因為剛好在排隊位有冷氣，濕衫加冷氣，真係好鬼凍！好在我和阿仔都穿保暖衣，冇事。

我發現冬天游水一定要穿保暖衣，但夏天游水穿保暖衣一啲都唔熱喎！因為有水浸住。而且，好多人都係咁着，尤其游水教練一定係咁穿，因為保暖衣更防曬。我呢啲最愛白滑的師奶，著到成個教練咁，試過俾人問係「媽咪」定係「教練」？哈哈！

保暖衣仲有一個好處係佢好耐穿，穿十年都冇走樣的。不過小朋友會長大，兩三年總得要換一次。

總結，我覺得唔好煩， 乾脆春夏秋冬游泳都穿保暖衣吧！買一件已可以穿很久， 很劃算呢！

當然，泳隊除外，聽說只能穿泳褲，哈哈！