[2017DSE][PLKCHC] 好憎啲人冇考過DSE中文，又話中文攞2嘅人抵死
個啲無知嘅人一味識講幾個pt:
1. 你講中文架，中文咁基本，唔夠分就米鬼入大學
2. 中文無論係咩工作崗位都不可或缺
3. 依家啲人淨係識用口語火星文，中文米差囉
4. 睇多啲書就得
見到真係好嬲，班人唔知DSE中文有幾荒謬
1. 毫無疑問中文係我地嘅日常語言，是中文，非試卷中文。你日常會唔會用文言文溝通? 中文reading都唔係一個正常人有嘅解讀能力，高分都只係識用啲方程式答題。中文oral啲題目堅離地，根本唔係測試一個人嘅正常談吐技巧，係睇你用啲所謂技巧迎合不同題型。
2. 同上一段大致一樣。仲有綜合卷，重點放在抄得啱就高分，識做一篇唔等於識做第二篇，高分唔代表一定識用啱上款下款、實用文格式等等。個啲先係工作所要求嘅能力。
3. DSE中文科只係測試答題技巧，啲5**範文都起碼有成10個錯別字，佢地係識得堆技巧e.g.重複關鍵字、寫吓心理變化&人物對比、拋吓古語而已。根本個制度教唔到學生正字，攞2攞5**都一樣錯漏百出。
4. 係有一定程度幫助，令自己識多啲成語，行文修辭會靚啲。不過EAA限死卷一嘅答案，難度有人會識個啲讀者唔會問，作者唔識答嘅問題嗎?答啱係因為應試技巧。你文學造詣再高，也會被制度踏低成地底泥。
香港教育制度只顧通才發展，3322令無數人大學夢碎，浪費青春光陰retake死個科。香港科研發展一蹶不振其中一個因素係3322厄殺一眾科學天才入大學發展嘅機會。愛因斯坦夠係語文成績差，不過會有人care咩?每個人都有自己專長，應盡情發堀獨特興趣。
唔好話我唔公平，我都見過文學才子maths 1咗，深感同情。
我中文攞3，B5 20分叫做有機會入到大學，但係我見到啲更高分嘅人衰中文，仲有堆認同依個制度嘅人而一氣之下寫咗依篇文。可能篇文一時鬧中文科一時又3322好1999，但我希望話比大家知只有改變入學制度、考核模式、學習內容先可以拯救香港下一代，免各位同學成為機器。你身體可能要屈服係制度下，但各位唔好令自己思想閉塞，一味覺得冇問題。
P.S. 其實唔止大人，此page都經常有學生為教育制度護航，為乜呢?
*********
好奇媽曰：
我未考過DSE，我唔知道中文科係咪真係咁重視考試技巧，其實我覺得可能係該留言者的誤會。我推測重視考試技巧的是補習社，因為人家來補習，就是要你幫他解決中文唔好的問題，莫非你坦白說：「好心你睇多啲中文書啦，讀多啲古書啦，補習幫唔到你的，我們淨係可以教你考試技巧㗎咋！」咁仲邊度有人會去補習？！ 所以，佢哋一定係誇大考試技巧嘅重要性，目的係為咗搵多啲錢，反正你而家嚟，想睇中文書都睇唔切啦，呢啲係童子功，從小嘅時候就培養嘅，冇理由而家就來考試期，先至叫你去睇書㗎！ 該學生聽得多人哋說考試技巧的重要性，就信以為真，以為考試局只重視考生的考試技巧。 如果考試局真是非常重視考試技巧, 那麼個個都可以考到五星星喇, 香港地有幾多人畀唔起補習嘅錢呢? 有實力的，沒考試技巧可能都會衰，但冇實力，考試技巧點好都一樣會衰㗎！衰咗就話自己因為冇考試技巧，話考試局只重視考試技巧，係咪自欺欺人咗啲。
其實大學收生的問題，說穿了，就係學位不足囉，一百個人得十六個位，總要set啲難度，令到大部分人唔合資格，淨返合資格的，就睇填志願的策略，好多人心頭高，結果搞到考得唔錯都冇書讀㗎！
「3322」的規定，令到偏科生被大量殺滅，所以從小就不能讓孩子偏科囉！中英數通都要達標。
上文提及愛因斯坦都係偏科生，有網友立即找到愛因斯坦的成績表，真係神通廣大：
愛因斯坦母語係德語，6分滿分，佢都有5分喎！
沒有留言:
發佈留言