羅勒葉

今日午餐唔知食乜好，打開雪櫃，昨晚剩餘的食材是：肉醉，兩個鮮蕃茄，鮮冬菇，仲有兩包用淨的麥記茄汁，於是就整咗個肉醬意粉。

話說鄰居移民，臨走前將用剩的調味料送哂俾我，咁我煮意粉發現有呢啲香料，睇電視成日見啲鬼佬用，就落咗啲來醃肉，少少黑胡椒，多多bazil leaves, 喂，個意粉一入口，立即感覺到到高當西餐廳的水準！

老實講，我唔係好識煮西餐，因為我師父，即係我99，唔識煮，所以我就唔識，亦唔想研究，因為我覺得西餐用幾十種調味料好煩，我們喜歡吃原味的東西。因此，我煮的肉醬意粉，一向係大家樂咁嘅水準，估唔到今日加咗羅勒葉，突然間由大家樂升級咗上西餐廳。

原來，嗰啲幾十蚊一瓶的意粉醬之所以咁好味，都係因為有羅勒葉嘅香味！

以後煮意粉都要落先至得！雖然一瓶價錢都唔平，不過可以用好多次，用完都係應該買返瓶。

相關文章：

煎魚香脆的秘密

http://curiousboy2016.blogspot.hk/2017/11/blog-post_18.html?m=1

獵場

又係開始講故事俾阿仔聽的時間了，上次講咗部七十集長劇「 那年花好月正圓」 畀阿仔聽之後， 就一直冇煲長劇， 直至到最近， 奶奶日日都問我哋， 有冇睇「 獵場」， 佢話非常非常好睇， 咁我哋就開始煲呢一套劇。

主角係中國著名演員胡歌 。胡歌說非常喜歡「獵場」這個劇本， 佢對呢一套劇嘅角色非常著迷， 佢平時係唔會咁講 ，佢人比較沉穩，所以我諗呢套劇應該都係好有水準 ，咁我哋就開始咗睇頭一集， 嘩，悶到呢， 本來想放棄， 但係奶奶話真係好好睇， 跟住我哋免為其難煲到第3集， 就開始好睇啦！

知多啲：
https://zh.m.wikipedia.org/zh-cn/猎场

呢個係關於一個人嘅故事，係關於人性嘅故事，係教育全中國人道德觀念嘅故事。 而家我睇到十幾集， get到個訊息係：「 做人唔能夠行差踏錯。」 一個善意的念頭, 往往就係錯誤嘅開端， 例如主角鄭秋冬只係想創一番大事業，想賺大錢，想擁有一段美滿的愛情， 結果換來4年嘅鐵窗生活。 而坐咗牢之後，並唔係人生嘅終結， 只係佢事業嘅開始， 佢又再跌跌碰碰， 最後佢終於摸到做人嘅規則， 就係唔可以行差踏錯，最終都成就咗一番大事業， 亦都得到一段美滿的愛情。

呢個故事比以前所有我講俾阿仔聽嘅故事都要難講，是一個很高層次的故事，以前講的，只要我講到個劇情就已經很精彩，但這個要講的，是故事想教育我們什麼。這是一個教育年人不要走捷徑的故事。內容意味深遠，有時阿仔都hang哂機，唔再追問劇情，要一兩天好好消化。例如坐牢的人是主角，他不是一個壞人，他只是唔小心做了壞事，這對兒子亦是一個概念衝擊，因為兒童小說，永遠都是壞人坐牢的。當一件犯法的事，你所有朋友，再加上女朋友，都覺得不是一件壞事，也沒有對任何人造成任何損失，而你唾手可得十八萬，只花你五分鐘，你做還是不做？

真實的人生就是這樣，永遠不是大黑大紅的面孔給你分好壞的，每每都是兩難，人都是灰色的，不是非黑即白的。

做下功課先罵人啦！

唉！當睇到呢啲留言時，感覺就很唏噓，我感嘆有人個腦點解咁豬，點解人地音小和救恩教得切書？傳統學校教唔切？咪就係因為前者教得少，後者教得多囉！唔係你以為係咩呢？呢兩間學校的老師有三頭六臂？

音小都唔係打算本地升學的人讀的，讀呢間都預咗去外國讀書，傳統學校係為咗要令學生本地升學嘛，銜接本地課程嘛！麻煩呢位大姐做下功課，雙眼睇遠少少啦！音小升音中之後的路係演藝學院，唔係大學，一係就出國留學，咁銜接外國課程咪得囉！外國人一向都係小學中學hea讀，大學狂讀㗎啦，在外國，hea讀係畢唔到業㗎，佢地大學畢業率得50percent咁上下，而本地中小學辛苦，但上到大學hea讀都有九成畢到業㗎！

至於救恩，我冇研究，但都係同一條rule, 世界邊有免費午餐㗎，中小學讀得辛苦，大學hea啲，中小學讀得舒服，大學辛啲囉！唔同組合，先苦後甜定先甜後苦，仲有先苦後苦（在本地讀中小傅統學校再去外國讀大學），自己揀囉！但罵人之前，做下功課，了解下教育制度先。

轉奶

在天貓淘咗幾罐雅培試下， 老公信天貓， 咁就試下啦， 結果都係唔錯嘅， 包裝靚， 品質好，味道好， 就係奶源始終都係來自中國， 有少少唔放心。

後來經過優品360， 見到呢一罐奶粉熱賣中， 只係五十幾蚊， 好抵！ 我哋初初都係諗住買嚟做麵包， 返屋企仔細睇， 發現佢奶源來自荷蘭， 更加令人放心。

我哋詳細咁睇下，佢同雅培嘅營養成分，有咩唔同？結果發現， 其實蛋白質 鈣質等 主要營養成分， 含量係差唔多， 只不過添加物更少。 咁又難怪嘅， 雅培係畀bb飲， 我哋三歲之後就一路都飲呢隻， 直至到而家9歲。 畀bb飲嘅奶， 係預計bb未識食正常人嘅飯餐， 所以會有好多添加物質。 而呢一罐優品360買嘅， 就係純奶粉 加咗少少維他命d3，d3 有助鈣質吸收。佢講明唔係俾幼兒飲的，我仔夠大，可以飲喇。

我哋研究完之後， 發現阿仔更加適合飲呢一罐， 因為阿仔正常飯餐已經食得好好， 飲奶只要飲純奶粉就得啦！ 根本唔需要再添加太多營養素。

要睇最右手邊嗰一行先可以做到對比，仲要化返啲單位，我用計數機計過了。佢主要營養成份真的和雅培是差不多的。

至於味道方面呢， 雅培係雲呢拿味， 呢隻奶粉就係奶的原味， 都話咗無添加嘛！ 阿仔梗係鍾意飲雅培啦， 因為佢有添加咗糖分， 呢隻係冇乜糖的， 不過慶幸阿仔都肯飲， 阿仔都明白飲得太多糖份唔好。 如果佢真係嫌唔夠甜， 都可以加糖， 不過佢冇出聲， 咁當然唔使加啦！

我老公沖咖啡都用佢，因為咖啡伴侶其實係假奶，冇益的，平時落都係貪好味啫，所以大家唔好以為日日飲咖啡奶茶等於飲咗奶，一般三合一都係用假奶的，為健康着想，都係用返正常奶粉更好。

知多啲，咖啡伴侶到底是什麼？

https://wapbaike.baidu.com/item/咖啡伴侣/11025589

人小腳大

老公成日幫阿仔買鞋，好快又話要再買，我一量，原來阿仔隻腳大得真係快，九歲人仔，腳已經同我差不多大了！

上網查下，有文章講，原來現代的孩子比上一代會手腳大啲，因為營養好，所以身高一般會比父母更優勝。

家长反映孩子普遍脚大 专家：手大脚大是“趋势”

http://www.chinanews.com/edu/2014/09-02/6555256.shtml

超媽12 不要過度悲觀/樂觀

我認識很多isf媽媽，她們有一個共通點，就是杏仁核過度活躍，簡單一點來說，就是過於擔憂。isfj會好一點，isfp的憂慮指數係爆哂燈㗎！我好肯定「 杞人憂天」入邊嗰個杞人，肯定係isfp； Mr Men入邊的Mr. Worry, 肯定都係isfp嚟㗎！個小朋友好地地，佢就擔心佢學壞，個小朋友無病無痛，佢又擔心佢有乜病物病，個小朋友太愛看書，佢都會擔心佢沉迷閱讀，個小朋友如果講一句「唔開心」，肯定佢比小朋友唔開心多十倍.......

而esf型，就必定係過份樂觀的，佢地肯定係「伊索寓言」故事入面嗰隻，夏天勁唱歌跳舞，冬天凍Q死無飯食嗰隻蟋蟀。無論發生咩事，佢地都係好樂觀的，個仔廢柴，佢地就會樂觀地覺得佢大個啲就會唔廢。個仔大個咗都好廢，佢地就會樂觀地覺得佢地結咗婚有負擔就唔廢，個仔結咗婚都廢，佢就會樂觀地認為佢哋生咗仔就唔廢......

總之，如果你係呢兩種型，麻煩你地自己adjust一下。過於憂慮會令自己做唔到任何事，因為做任何事都要時間，當憂慮佔據了時間，便什麼都做不了，而且任何事都有風險，過於憂慮又可能會乜都唔做；相反，過於樂觀的人未能 居安思危， 最後就好似故事中的蟋蟀一樣， 冇好下場。

太悲觀或太樂觀都唔好，自己平衡一下！


相關文章：

超媽11：別替人家教孩子

http://curiousboy2016.blogspot.hk/2017/11/11.html?m=1

為什麼別人都不好奇？

愛因斯坦話：「 我唔係比別人聰明， 我只係比別人好奇。」

我覺得呢句說話真係充滿智慧！

韋氏智力測驗其中一部分就是測常識，因為創辦人相信，天生聰明的人就是天生好奇的，好奇的人自然是知識廣博的，所以智力測驗要測常識。上次阿仔話佢有一題常識唔識答：「資訊發達如何阻止了獨裁主義？」雖然佢話其他佢全部識答，但我睇分數，知道阿仔有啲係答唔啱的，不過佢自我感覺良好，哈哈哈！

好奇媽媽天生好奇，而在我最好奇的範疇的東西是「人」和「將來」，我最想知道將來會是怎樣的。

我好奇的不是機械人的將來，我最想知道兒子的將來，近期的或遠期的將來的事，我都有興趣知。所以當有高年班的人談論他們的事，我就自然會豎起耳朵來聽，並會記住內容。因為高幾年班的人談論的，就是我仔幾年後會面對的東西。人家就是正在行緊我仔前面條路，可以說是指路燈。可惜我仔仔堂表兄弟姊妹全部都大過佢好多，又住得遠，否則我可以八到多啲。而我是我的同輩朋友中比較早有孩子的，她們都在我後面，我是指路明燈，我前面卻沒有什麼指路燈。

我想講的，就是我不明白，為什麼好像只有我對這些東西好奇？

我談論升中的事，我的朋友一點興趣都沒有，覺得自己個仔考緊小學，又唔係考緊中學，完全冇興趣聽，連考什麼題都沒興趣聽。我心想：「考小學不就是為了入一間好中學嗎？入一間好中學不就是為了入一間好大學嗎？為什麼考小學就不聽中學的東西？環環相扣的呀！」

有朋友識很多親戚朋友的子女大過自己的仔女少少，但都係唔聽唔收風的。其實，我真係唔明，為什麼只有我好奇？難道不是每個人都天生好奇？還是人家對其他東西好奇？就是對子女前景不好奇？

其實，我覺得很多人對任何東西都不好奇。例如我跟A討論緊如何做麵包，B對A說：「我借部麵包機俾你。」佢覺得有麵包機等於識做麵包了，什麼都不用聽了，其實根本係兩回事。我仔大過B的仔兩年，B從來不問小四的事，我跟A說小四如何如何，B就會覺得不是這樣的，是她自己想的那樣才對。但大家明明讀同一間學校，為什麼前人行過的路，連聽都不去聽，就相信自己憑空想出來的東西？

還有一些人入了一間有銜接中學的小學，就完全不聽別人考中學的情況，什麼中學是什麼banding, 不同中學有什麼不同，都沒有興趣去聽，我又是覺得很奇怪，莫非她不好奇，自己有沒有做錯決定的嗎？自己的孩子有一間銜接中學，不代表這家中學必定適合的呀！莫非上班太忙了？不對，很多人不上班也不思考的。沒有事能引起她的好奇心。

似乎，很少人是好奇的。