朱古力餡的dilemma

我每次做朱古力流心饅頭，老公就在一旁「哦」我，唔好落咁多朱古力餡，因為好肥㗎！然後當然又係話我肥。

但係我又覺得朱古力唔夠，阿仔唔鍾意食喎，咁早上會食得慢喎！

兩個拗來拗去，結果我決定做兩種，多餡的是阿仔食，少餡的大人食。大人怕肥，小朋友唔怕肥，尤其是我仔，高得快，肥得去邊。咁如何識別邊隻係多餡呢？

答案係，有乳頭的係阿仔食的，無乳頭的是大人食的。哈哈哈！

老公望住啲包滴汗，話：「咁樣阿仔一路食，會唔會有邪念㗎？」我說：「有邪念的是你，佢識條鐵咩！」

蒸完，個乳頭仲大粒， wakaka!

呢個包的靈感是來自，我有次在廣州飲茶，嗰籠奶黃包就係咁整，全部有乳頭，我同當時啲同事，一面食一面笑：「果然係奶黃包！」。

為什麼兒子的手是冷的？

最近天氣轉涼，阿仔有啲唔妥，他沒有生病，但奇怪的是，無論他穿多少衣服，雙手都是涼涼的。

轉天氣他有鼻敏感是正常的事，因為他本身是極度高敏的孩子，但奇怪是，昨天吃完佳力天（抗敏药）之後，竟然沒有好轉，還是有流鼻水。

我老公不停在我耳邊嗡嗡聲，問為什麼會這樣？我立即上網查下。一查，就推斷出來了！

孩子天生是陽性體質，一但怕冷，穿很多手心都未見回暖，就是體質變了陰性。是和飲食相關的問題。

我又看看飲食部分，最大的可疑是食物出事，我們這些日子都沒有吃什麼涼的食物呀，甚至經常煎牛排，煎魚，煎腐皮，煎蝦錄.....。

然後，我突然靈光一閃，是薄荷味的香口膠！

最近兒子愛上了薄荷味，細個他是極討厭薄荷的，但自從吃過一家餐廳送的薄荷糖，就完全改變了，他經常吵着要吃薄荷糖，我說薄荷太涼，小朋友不能常吃，但飯後一兩粒無糖的薄荷香口膠，應該可以的，廣告還說有「曬駱駝」可以防止注牙，聽落唔錯喎！於是，我就買了 無糖薄荷香口膠畀阿仔每日食完飯之後，限定兩粒。佢日日食，像上了癮，日子有功，個多月下來，他的體質就變了陰性。冬天一到，立即現形！

我知道後，立即去煲了一碗黑糖薑水給阿仔飲，阿仔飲完，昨晚兩手暖暖的。

不過，我和阿仔，都俾爸爸大人照咗成晚肺！！

價值觀的灌輸

今朝睇到這樣的一段文字：
 報告將學生按地域分為亞洲、歐洲、拉丁美洲、北非及中東、北美五個地區。 結果發現，原來無論在世界任何角落，學生心態與信念（Mindsets）是影響成績表現的決定性因素，重要性遠遠高於「家庭背景」、「學生行為」、「學校因素」和「老師因素」等。


即是說，「良好的心態比什麼條件都重要」。而我是怎樣培養孩子的良好心態呢？是透過講故事和對談去培養的，所以無論怎樣忙的家長，都要抽時間來陪孩子傾偈講故事喲！

此外，我覺得9歲後一齊睇電視真係好有好處，因為9歲孩子仲有幾年就青春期（反叛年齡就唔聽你的），一齊睇電視可以一齊討論問題，可以將正確的價值觀灌輸俾小朋友。

我認為最值得花時間陪小朋友一起看的是競賽節目，因為競賽節目短短一兩小時已經看盡人生百態。輸咗點樣面對，有冇風度，嬴咗有冇驕傲？為什麼會嬴？是因為準備充足？還是因為天生聰明？嬴在心理質素的話，到底是什麼樣的心理素質？

最近我和兒子一起看的有「最強大腦」第三季。

這就是頂尖高手對決的情況，有人想保持自己的不敗紀錄，不願意再比下去，不肯承擔作為隊長的責任；有人從出生起從未輸過，當輸掉了， 憤然離場；有人輸了之後，在下一場比賽反敗為勝。

「最強大腦」是中國製作費最高的綜藝節目，如果孩夠大了，可以一起觀看。

尤其PK外國選手的場次，實在能看出很多文化差異。對不同國藉的人，在賽場上的表現，可以有基礎的認識。例如，老外通常都會聽說有比賽就來了，不會計較輸了之後怎辦，但日本人就不一樣了，他們只跟你比他們自己的強項，三場比賽有兩場穩勝的才來跟你比，日本人機心重，老外單純，一目了然。

外人看熱鬧，內人看門道，其實最強大腦是一個智謀節目，不是神人show, 所有項目都是經訓練得來，只有少數項目是天生神人。

跑步計劃還能持續嗎？

跑步計劃因為七、八、九月份天氣太熱，真係頂唔順，取消了，部分時間改為了游泳。雖然調景嶺有室內運動場，但係對於我哋嚟講一啲都唔就腳，要搭地鐵先至去得到，而且我哋試過跑，感覺裏面嘅空氣唔係咁好， 跑道都幾窄。 最近秋高氣爽， 我哋又再進行返跑步計劃，但發現我哋去開嘅跑步徑正在進行維修， 淨番半條可以跑，同一條跑道人來人往，跑起上嚟真係唔係咁過癮。

於是我哋改為一星期三天放學去打籃球， 附近有一個籃球場比較少人玩， 我哋只要帶個波去就得啦。

除了籃球場， 還有足球場，閒日佢哋都唔係咁多人玩， 我哋又係帶個波去就得啦。

不過暫時我哋都淨係玩籃球， 因為唔想帶住兩個波， 淨係玩籃球帶一個波就夠啦。 我個仔打籃球仲係處於好鬼渣嘅階段， 佢根本唔夠手力將個波定上籃， 最多都係掂到個邊， 從未入到球， 所以我哋要繼續練習。 身高都係一個問題， 個籃球架對佢嚟講係高咗啲。

但係最令人興奮嘅係，昨日我哋發現， 原來籃球場側邊有一條緩跑徑。 呢條緩跑徑非常偏僻， 整咗喺天橋底， 又冇指示牌， 周圍仲好多植物遮住， 真係唔容易發現， 哈哈哈！ 但係咁先好， 因為少人跑， 終於唔使撞口撞面都係人。

所以我哋個跑步計劃就可以恢復啦！

第二批閃咭做好了

第二批是一本G.S.（ 老鼠記者）內的生字，共56張，因為我仔雖然一早就睇得明這個程度的書，但其實佢係估估下，由上文下理做推測的，例如我問佢咩叫shame on you? 佢答：「係負面評價，係一句罵人的說話。」我聽完他解，就知道為何他為什麼會看不會用了，書中的情境的確可以推斷到我仔以上的解釋，但唔查字典，阿媽又冇伴讀的情況下，肯定是不會exactly知道這句話的解釋。所以我做了這批字咭，咭背寫了解釋和例句。

Coming soon:

這個ielts基礎字彙有807個，我自己都唔知自己是否能堅持寫下去，寫完又是否真的有恒心教下去？大家留意ielts字彙唔適合教幼兒，還是要高小或以上才適合讀，因為比較抽象，幼兒（6歲以下)，應該唔明的。

其實我所有方案我都極有可能做做下唔記得的，我又唔會放棄，但唔記得是常事，因為小朋友太忙，我又太多方案，最重要的原因，我係p型，其實p型是生活随心的人，經常丟三忘四，np型情況更嚴重，大家得閒提下我。哈哈！

相關文章：

閃咭背後的故事

http://curiousboy2016.blogspot.hk/2017/12/blog-post_3.html?m=1

閃咭背後的故事

近年已經唔興閃咭啦， 因為由興起至到而家成功嘅人其實唔多， 有九十幾個percent的人閃閃下，都放棄咗。

而我就係少數成功用閃卡，令小朋友踏上閱讀之路嘅人。

我成功嘅原因係， 明白閃卡背後嘅原理，如果唔明白，執行上就會有錯誤，並且不能持之以恆。 如果只係人做你又做嘅話， 做做下見唔到成果就自然會放棄， 人哋放棄你又會放棄。

知道閃咭呢套方法的人很多，如果今日才知道的，想知道更多，想知道如何執行，唔使問我，去圖書館借這本書來看：

書中很詳細講要點執行，但就冇講佢點解會咁做。其實故事收錄在作者另一部著作「 如何幫助腦傷兒童」（名字會有不同版本）嗰度。
https://www.hkbookcity.com/showbook2.php?serial_no=748947

這本書有啲似格連杜曼的自傳，內容是他從事物理治療師以來的經歷，其中一小部分是講述，因為那些傷殘的孩子都不能正常地讀書寫字，於是他們發明了閃咭，結果那些弱能孩子不單止會讀寫，而且比一般孩子更早閱讀，變得更聰明。於是他再推想，如果本身正常的孩子用了此方法又會怎樣呢？於是他就寫了「如何教宝宝閱讀」這本書了，後來此方法大熱了一輪，最後因為成功率低，熱潮就下降了。

為什麼成功率會如此低呢？試想想，如果你擁有一個弱能的孩子，你會要求他一天學會多少生字？你會在他認不出那個字時，生氣地叫他抄十遍嗎？不會! 因為那個孩子不是正常的孩子，爸媽對他的要求會很低很低，同時，爸媽對自己的要求會很高，因為如果是正常孩子，爸媽教不會，孩子領悟力差，就會阿Q精神地說：「孩子還小，等大些才學吧，到時自然識。」但傷殘孩子的父母是不會這樣想的，因為個仔已經弱弱地，再唔努力教只得一個結果，就是更弱智。於是，傷病兒童的父母拿着閃咭孜孜不倦地教，從不放棄，對孩子不會有任何要求，不會對孩子失望，不會發脾氣，就這種「 嚴以律己， 寬以待孩」的精神，令孩子最後學會了大量生字，很早就走上了自行閱讀的路途。因為孩子行動不便，一旦學會了閱讀，就手不釋卷了！

我有見過其他成功使用閃咭開創閱讀之路的個案，初時很成功認了很多字，但後來父母以為認了字就足夠了（因為有些父母只想孩子成績好，不是想孩子愛看書的），沒有堅持閱讀，最後孩子在幾年之後，又和其他沒做閃咭的孩子一樣程度了。所以閃咭只是手段，不是結局，學習從來都沒有結束的一天，成功後還得繼續學更多的東西。父母在他們起步的時候要幫一把，到他們成功了，還是須要在旁鼓勵和提醒的。我的鼓勵方式，就是不斷提供不同的書籍，令他不會被其他東西吸引走了，放棄了閱讀。

我覺得成功的要決是「 嚴以律己，寬以待孩」，所以媽媽要辛苦地做很多字咭，看別人做事是不辛苦的，到你自己做就知道煩，要耐性的，為什麼要做那麼多？（最少幾百張字咭）因為你對孩子的要求要低，學了一百張，你預佢只記得兩三成。我見很多母親的要求很高呀（對孩子），教了十個生字，教了十次，孩子還不記得，就又罵又反枱了。我心想：「教十個要識十個，成功率是100percent呀！而且你只是一晚教了十次而已， 算什麼？」而我打算教1000個，晚晚教，教一年，我預佢識兩三成咋，我付出的多過我要的收獲啊，我才是對孩子最寛容的人。不過，通常人家見我家那一箱一箱的字咭，就說我是「虎媽」了！

不過，who care!? 自己知自己事就好了！

相關文章：
英文字咭方案
http://curiousboy2016.blogspot.hk/2017/11/blog-post_48.html?m=1

http://curiousboy2016.blogspot.hk/2016/05/blog-post_12.html?m=1

老往圖書館跑

我不知道自己為什麼老喜歡往圖書館跑，我老公不明白，其實阿仔今年功課都忙，老公認為他冇時間看書了，我也知道，阿仔的閱讀能力很強，就算少點看書也不會有什麼影響。但我去借一堆漫畫和淺程度的書俾仔睇都好，我就是忍不住去圖書館。

老公話，你上網睇電子書咪得囉，我又唔知點解，我係有一鋪去圖書館或書局嘅癮，我好享受在那個地方呆着，一星期唔去會俾書蟲咬。

我都唔知點解。

我老公去圖書館就好似滾水淥腳咁，佢在睇報紙雜誌的地方待一會兒，頂龍半小時一定會吵着走，所以我最討厭老公跟我去圖書館。我們就是這般不一樣！

我慶幸孩子似我，我們都喜歡徜徉在書海之中。