其實想救朋友

 

老公推介「覺醒年代」給他的好朋友M看。我笑他：「阿M咁黃，他才不會看這些東西！」老公說：「佢睇唔睇係佢事，但我要 send的。」

男人就是有一點好，就算政見不同，仍然可以做朋友嘅，不過話題會少咗好多，怕踩地雷嘛！大家都避開一下政治話題。我老公的黃絲女性朋友就 unfriend 了他。所以，男人係氣量大D的。😌😌😌（各位因為政治立場unfriend 我但又靜雞雞睇我 blog的媽媽，係時候反醒一下自己係咪太小器😂😂😂）

有日老公終於解釋給我知道為什麼要叫M看「覺醒年代」。

他說：「我係想救佢 je！你想想，佢的經濟環境跟本去不到外國生活，但係又黃，又娶了大陸人, 現在日日那麼多令黃人痛苦的新聞，他是何等難以呼吸！我見他辛苦，想幫他解脫，看『覺醒年代』是從歷史及宏觀的角度去看那時的中國，不要再執著那些他看不順眼的小事。」

什麼是看不順眼的小事呢？例如有一次他和老婆返大陸探親，在餐廳吃飯，隔離檯煲煙，他有小朋友，於是就很生氣的拍枱拍凳，他不滿大陸人質素差。這是他老婆告訴我的，她老婆其實也被他搞到很痛苦，她說自己的根在中國，那是改變不了的！難道可以一世不回家見父母嗎？

其實除了老婆，兒子也被他搞到很痛苦，自己媽媽是大陸人，但老豆不喜歡大陸，說共產黨壞話，他也越來越不尊重媽媽了！

有一次飲茶，我老公竟然直接跟M說：「你成日唱衰大陸，咁你會搞到個仔好慘架！他將來只可以留在香港一個小小的地方，不能返大陸工作。除非你有錢送佢去外國讀書，讀完在外國生活唔返來囉！」強 stj的率直真係嚇死人！之後他的朋友就沒有再約他飲茶了！😅

我們對身邊的黃朋友，只要有一點錢的，絕不勸說，從不談政治，因為人家有路行，不喜歡共產黨咪去外國生活囉！佢一樣可以開開心心㗎！

但窮黃人朋友呢？其實是不忍心見他們搬石頭砸自己的腳，砸得血淋淋，還不打算停手。

當人無法改變真實世界，就要改變自己的想法，看事物宏觀一點，不要在死胡同裡鑽，那就不用活得那麼痛苦了！

試想想，M如果不黃，他會活得開心很多，他最近失業了，疫情下，難免，他有層樓，但沒有什麼現金流，所以在香港，找不到工作他就很麻煩，但他已人過中年，找工作不容易。如果不黃，把香港那層樓賣了，拿著錢返大陸買間屋退休，手上還剩幾百萬，在大陸過得多寫意！大陸物價低，幾百萬在大陸生活，使兩世都使唔哂。如果不黃，兒子也可以在大陸讀書，媽媽是大陸人，戶籍應該可以有吧？！（我不肯定）再唔係讀國際學校囉，反正有幾百萬，夠花。還有，在當地買樓可以送戶籍。再唔係等幾年後，兒子入了本地的大學有宿舍住了，兩公婆回大陸享受退休生活。

總之，一念之差，就是幸福生活和痛苦生活之分！

P. S. 小黃人不必留言，會被刪除的，自己反省一下自己是否非要過這樣痛苦的生活吧！