單純

有一日看「大秦賦」，故事講到，華陽夫人竟然擅作主張阻止嬴政母子入秦，華陽夫人的老公，即係嬴政嘅祖父竟然唔鬧華陽夫人蝦自己的孫！99看得大怒，説：「呢個女人有冇搞錯呀！竟然擅作主張，因住佢老公教訓佢。」

我在一旁哈哈一笑，説：「嫲嫲你太單純啦！呢個華陽夫人咁悪，咪即係佢家族勢力好大囉，佢老公唔敢話佢架！」

果然，睇落去就慢慢交代華陽夫人的芈氏外戚勢力，咁嫲嫲就明白了。而我一早就估到華陽夫人勢力一定大，是因爲我冇99咁單純。

因爲99單純，我解釋了很多次，川普其實係好嘢來架！冇咗佢，美國的神話點會破滅？咁多年，人人追求選舉和民主自由，冇川普，D人點会知道選舉可以選到一個奇葩？還以為民主選舉是萬靈丹，可以解決所有政治問題。由於99解唔明，每次一有川普的報道我就喝采，説川建國同志如何又幫了中國一把，漸漸地，她終於明白了！川普最正的地方，是他得罪所有「精英」，世界精英往那裡跑，那裡就富裕，這是定律。所以正正常常的拜登上台，當然第一時間搶人才，我恨不得川普連任，全部精英都跑光了！

今天，講起神童沈詩鈞，99又話人地淨係識讀書，冇朋友，冇社交。我問99：「你認為淨係識讀書可以做到教授？」

99一臉茫然。我説，美國一個助教職位都400個人申請，400個只選一個，比沈詩鈞學歷更高的人大把啦，沈詩鈞讀的又不是什麼名牌大學，是浸大而已，修讀博士學位也不是名校，學術排名也一定有人比他更靠前。成功背後的不是人脈和社交能力，又是什么？

單純的99終於明白了！世事其實不是簡簡單單的。