終於學識炒貴刁喇

其實我一直都好鍾意食炒貴刁嘅，但係炒親都炒到爛曬。由於自己耖唔到，噉唯有想食嘅時候出街食囉！

吸收咗上次炒星洲炒米嘅經驗，我終於知道要點樣炒貴刁。

其實星洲炒米同炒貴刁都係差唔多嘅配搭，只係一個炒米粉一個炒河粉。

而炒河粉嘅秘訣就係千祈唔可以用水沖洗河粉。在街市買咗返嚟之後直接落鑊炒。本身街市已經撈咗好多油在河粉上面，所以落少啲油都可以炒到。

有朋友話煮乜餸都會失敗，所以冇興趣學煮食，覺得自己冇天份。我聽完之後問佢：「噉失敗之後呢？」她說失敗之後因為很有挫敗感，所以就唔會再煮那味餸喇。

我說：「不對，失敗之後應該再煮那個餸。」再失敗，再煮多一次，遲早都會成功嘅。

不要在失敗之後更換目標，否則每一樣餸都係第一次煮，噉就一直會失敗落去。要預計自己每次學一樣餸都會失敗三次，不要一失敗就謝曬！

除了學煮餸是這樣，學其他東西都是需要有「容錯率」的，不要將犯錯等同於沒有天份。