當父母的不要耍嘴皮

話說應采兒的兒子出鏡時認不到中文字，她就說了以下一番話：

我看完，想用四個字形容佢，就係「不負責任」。你自己都送了他去國際學校，你自己又沒有花時間去教孩子認中文字，但你對孩子説「你必須要會中文」？那不是將責任推給了孩子嗎？他一個幾歲的人仔，學校不教阿媽不教，那會無師自通？！

我觀察到很多父母都有一個通病，就是只會耍嘴皮，叫兒子要什麽什麽，怎樣怎樣，但行動上完全沒有支援。連字咭也沒有替孩子寫過一張，文章也沒陪孩子作過一篇，然後，就一味兒在旁說說說，最後成績不好就罵罵罵。父母真正要做的是耐心陪孩子做完一遍又一遍，認字也好，寫字也好，操練也好。

我阿媽絕對是一個只動嘴皮的，從小一開始功課我自己做自己跟，她只負責說一句「你要做功課」，考大學我自己讀的書，她還要睇電視大聲笑嘈住我讀書，考試時連湯水也沒有特別為我準備，完全是唔關佢事的樣子。（但佢係唔使返工的）

不過有人就是好彩的，唔知點解佢乜都冇做但係我又入到大學囉。有時我諗，如果佢係一個正常啲勤力啲嘅阿媽，我會唔會做咗大學教授呢？（我一直覺得我媽在學習上扯我後腿）😝😝😝