八達通公司快啲執

開學兩天，阿仔發現搭巴士用八達通扣了他成人車費，回家跟我說我不信，上網查才知道八達通公司會在小朋友12歲生日後「偷偷」改為收成人車費，直至有一天你自己發現了，才告訴你：「你要去申請學生八達通才有優惠架！」

我唔明，點解糸統咁醒知道你幾時生日自動收成人車費，但又唔識自動將小童八達通轉為學生八達通囉！

就算糸統做不到，都應該寄封信或發個SMS來叫人轉吓嘛！咁唔聲唔聲，唔係幾好囉！

我在 Facebook 發表以上言論，都係想提醒大家唔好被八達通整蠱。點知有人認為那是我的問題，小孩十二歲後很多東西都要付全費架啦！11歲攞兒童身份證夠冇通知你，你自己又識去攞攞？

嗱嗱嗱，對住呢D人真係同對住D藍絲一樣，無論點解釋，藍絲都唔明香港政府有幾衰，死攬爛攬。今日等我來說說八達通公司有的問題，希望大家唔好再盲撐呢間公司。

http://orientaldaily.on.cc/cnt/news/20090928/00176_023.html

八達通扣錯錢三宗罪

1. 舉證由市民負責，八達通卡不會主動呈報扣錯錢。

2. 市民若要舉證，要付三元在便利店列印最近十次交易紀錄，如欲查閱十次以上紀錄，更需付二百元。

3. 服務營辦商即使扣錯錢，也不會受罰。

為何我會覺得八達通公司「愉」呢？因為查數太不方便，查十次以上記錄要交200元。但我用其他支付方法是超方便的。

支付寶，幾時用了，在那裡用，銀碼碼多少，清清楚楚。

微信，更加清楚，清楚到連地點都有，搞到我要用馬賽克遮住，以防壞人知我的出沒地點。😂😂😂

信用咭，一樣係好清楚，每個 movement 都 send sms俾我。

八達通呢？嗱，你唔好眨眼呀，眨咗睇唔到冇得check 返架！不得不順便讚下我仔眼力好，兩日扣多咗都睇得清清楚楚。👍👍👍

Furthermore, 大家增值八達通有冇攞收據？冇的話，你走咗職員係可以刪除該增值的，例如你入咗500，佢取消交易，500元自己袋，當你冇來過。而其他支付方法就冇呢漏洞，手機check 得返。

咁八達通公司咁嘅質素，為何在香港仍能生存？因為地鐵攬佢囉，如果地鐵開放競爭，肯收支付寶，微信，雲閃付，applepay .....

八達通執得了！