只相信自己想相信的東西

我阿媽次次來我家睇個孫，都係同我講：「你食多D菜少D肉啦，食肉好肥架！」知道我們每日都會食一隻蛋，就說：「唔好食咁多蛋啦，蛋好高膽固醇，好肥架！」然且，她經常買大量高糖份水果和糖果來送給我們，佢又唔認為會致肥喎！

都係嗰句，同傻嘅冇得計。強F的特色是「只相信自己想相信的東西」。

食瘦肉是不會致肥的，食蛋黃也不會不健康，這些誤解，只要一入強F的腦，是無論你如何去證實和解釋，她都聽不入耳。所以我絕對不會跟她們浪費囗舌。

不要說我阿媽媽這種沒讀過書的女人仔，連讀過大學的都是這樣。

幾年前我寫過一篇 zero 不會致肥，是可以飲的汽水的 blog 後，有博友就留言追擊我，一定要說服我zero 有害身體，我認為一個個月飲幾罐完全沒有問題。

想不到過了幾年，仍然有博友 send呢啲meme俾我，游說我zero 會致肥。

這些meme, 一睇就知冇 logic, zero 都冇糖，又點樣會致肥呢？其他咩侵食琺瑯質和致癌之類我唔知，但致肥就一定不會。

於是上網查下，果然係假的，原本那個研究是這樣的：

http://www.199it.com/archives/371845.html

研究指出會致肥的是傳統有糖那種可樂。被人用移花接木來唱衰 zero. 點解要咁做？好簡單，因為妒忌人地可樂公司賺得多！

所以我們睇親啲假嘢都係唱衰做得最好的品牌的，麥記，稻香，可樂，好多人攻擊，但啲不知名食肆和品牌，俾屎人食都冇人唱的，因為不引人妒忌。各位，如果有一日有人唱衰你，咁你一定係有過人之處了！恭喜恭喜！😁😁🎉

「你個 friend 的大學是白讀的。」我老公說。因為呢個send咁嘅meme來的博友，大學係讀化學的。🤣🤣🤣「你阿媽夠讀醫啦，佢唔係咁咩？又咪係想信乜就信乜。」我說。「又係喎！」我老公說。

讀過大學為何分連 meme的真假都分不到？好簡單，因為強F只相信自己想相信的東西。至於事實，對她們是不重要的。

強F的人，日日活在擔憂之中，你無法用科學去說服杞人不憂天塌下來，因為他們只相信自己想相信的。但不知為什麼，她們很堅持自己的擔憂，好像自虐狂，將自己搞得神經系系都算了，搞得身邊人都負能量。

P. S. 我真係飲好少可樂，大家唔使再游說我zero 有多壞，重要的事講三次，我真係飲好少可樂，我真係飲好少可樂，我真係飲好少可樂。我呃你做乜啫！