識人更要識字

有一個人，認識名牌小學裡工作的人，所以她的孩子考入學試前已得知題目，但結果出來了，只在後補位置。

題目她已經知道了，為何準備充足還會後補？因為「識人其實都要識字」的。

「識字」只是一個借代，代表「識嘢」。中英文科的題目知道了，有得準備，但數學呢？不是記住答案就行的，數科是靈活變通的，不是真正明白，很容易就會露餡，只要反一反轉來問，背熟哂都立即唔識答，一代入應用題，立即千變萬化，聰明的有得準備，蠢的無得呃。

「識人好過識字」這句話，只在2個情況下是對的：

（1）applicants的水準相若

如果和「唔識人的applicants」水準差太遠，識人都冇用，就算校長係你老豆，夾硬入到去，一樣係讀唔掂啫！

（2）那個學位/職位，並不是十分重要

例如學校請校工，真是「識人好過識字」，你有冇發現，好像校工這種筍工（唔辛苦又穩定），永遠冇登報紙的。因為一定係referal㗎！

所以，當人地話「呢個社會，識人好過識字」時，要清醒，唔一定對的。

改為「呢個社會，識人更要識字」，就一定冇錯的了！