煎餃子

今日特然想試下整餃子，因為見到99昨日買了一扎韭菜。

打開冰箱，見到有一舊豬肉，一包急凍蝦，於是就照住小高姐視頻做起來了。

小高姐的調味料我家沒有，只好用我們廣東人慣用的豉油麻油蠔油雞粉糖等調味，為穩陣起見，煎熟少少餡料試味。

開始趕餃子皮，99路過大呼：「連餃子皮都自己整？」沒錯，遲啲我連麵條都會自己整。

因為餃子數目多，分了兩鍋煎。

我做的時候，老公負責煎，估唔到佢又煎得幾靚仔喎！

上桌了！

我們都覺得很好吃，但衰仔死都唔食，因為佢未食過煎餃子（但好似食過水餃㗎），佢總之就唔肯食。

老公話，下次整個冇韭菜, 全肉，個衰仔係食肉獸，肯定會食。