我整的醉雞很好味道的！
完成圖。
先來看一看材料， 花雕酒、清雞湯、 咸雞一隻（ 假設你已經識得整咸雞）。
通常淨係睇呢個材料圖， 我就會知道嗰個人整出嚟嘅醉雞好唔好食， 只要材料冇上湯， 就唔方好食得去邊。 上湯可以係紙包嘅， 亦都可以係自己淆製。
點解冇上湯就唔好味呢？ 你想像一下， 花雕酒除咗酒味，仲有苦味。
如果一百個percent用花雕酒嚟浸雞， 唔苦就奇啦！
所以， 第一個失敗點就係「 冇上湯」， 但係好多新潮師奶， 煮餸係唔識用上湯嘅！
將上湯煮滾，再加上花雕酒（ 不用煮滾）， 比例係1比1。 浸住隻雞過夜。
第二個失敗點係隻雞冇切開。 我試過原隻浸，係完全入唔到味嘅！ 所以隻雞一定要砌好先浸。
翌日在雪櫃拿出來， 面頭會瓊滿曬雞油， 細心咁將雞油舀走。
煮熱佢熱食可以。
就咁凍食亦得， 得咗！ 每舊雞都有香香嘅花雕酒味， 又唔會苦， 入微均勻，讚！
做這道菜嘅好處係可以隔晚整定， 有時百佳買兩隻雞平啲， 我哋就係咁樣處理， 一隻攞嚟蒸， 即日食， 一隻整醉雞， 第二第三日先食都冇問題， 味道一樣鮮美，因為酒係可以防腐保鮮嘅。
相關文章：
沒有留言:
發佈留言
歡迎來到好奇媽媽的世界！