假如智力有得揀

昨晚pillow talk。

我問阿仔：「如果有日你遇到天神，佢話可以給你選擇將來你個仔的智力，你會選80, 100,120,140還是160以上？」

阿仔說：「嗯.....等我首先排除了啲唔要的答案先。唔要80，因為我唔想個仔蠢；唔要100, 因為我唔想個仔太平庸。。。」

當選擇只剩三個，他開始慢了下來，思索了許久，才說：「唔要120, 因為參加唔到資優課程。」

我說：「參加到呀，好多120咁上下的績優兒都係學校推薦參加㗎！」

仔說：「參加到佢地都會讀得幸苦㗎！」

我覺得佢又說得有道理啊！再催他做選最後選擇。

他說：「唔要160以上，你係咪覺得好奇怪呢？」

我心想：我也不要呀！但我想知道他的答案。

他說：「我驚佢冇朋友呀～」

我說：「唓，你得141都冇朋友啦…」

他說：「升上中學自然有㗎啦～」

我也這麼想，因為到中學，大家智力差不多的會上同一間中學，真的容易遇到適合當朋友的。

說起朋友，阿仔最近終於揾到個friend, 佢地日日小息都一起捉棋和砌積木，而那個小朋友竟然是一個小一生。他們在校車上認識的，那個小一生成績很好，而且老積，他也有上奧數班，所以我也見過，他們像糖黐豆般的，很夾。

看來，玩唔玩得埋，可能智力， 比年齡更重要！

講番返選擇什麼智力水平的孩子， 其實我也會選140。160以上的情況， 我一定會浪費了那個孩子， 因為我根本不會明白他想什麼， 很難提供適當的教育，他會很孤獨。

如果是你，你又會做怎樣的選擇？