第一堂愛情課

笑咗！

「唔好表白」呢個point正，我成日都覺得表白係白痴行為。連我仔向幼稚園的女孩表白咗（三歲時），都立即變兵，俾條女老點去掉鼻涕紙巾，好在畀我見到， 丙到條女上天花板。 返屋企再丙到個仔上天花板， 我話：「 鍾意邊個要擺喺心度， 一表白咗就會做咗觀音兵。」

呢個係媽媽第一次為他上嘅愛情課。 自此之後， 阿仔唔單止冇向任何女仔表白， 好似都冇鍾意過任何女仔， 可能佢發現咗， 愛情同親情係唔一樣！ 平時，我們在家裏互相表達愛意，攬攬錫錫，從來都唔需要計算，但係愛情就充滿咗計算和機關。