大清潔日

昨日是我家的大清潔日，我將全部冬天衫一次過洗哂，抹了地，洗了厠所。

為什麼要把冬天衫全部洗？因為有發霉，那些冬天衫在衣櫃裏，過了整個春夏季，出現發霉現象， 感覺還有一些塵蟎。 我們的洗法比較簡單，因為數量太多，所有衫全部放在浴缸裏，落少少鹼粉和稀釋了的漂白水，浸兩個鐘，然後用腳嚟踩， 然後過水再踩， 最後放到洗衣機裏飛乾水晾起。我覺得我真的要買一大批真空防潮袋，以後換季便不用這麼煩了！

昨日我是主力，老公是幫手用洗衣機飛乾晾曬。我老公見我勤力，便叫我慢慢做。

我這樣說：「你認為斬頭殘忍定係凌遲處死殘忍？」

他問：「 其實咩係凌遲處死呀？」

我答：「 即係續忽肉慢慢割落嚟直至死為止。」

他說：「咁凌遲處死殘忍啲。」

我說：「 你叫我慢慢做， 即係凌遲處死， 我寧願斬頭。」

佢話我痴線，但對我來說，做家務真的很難頂，我不喜歡做家務。不過不喜歡還得要做！

前幾天我老公病了，他還全屋吸了塵，而我竟呼呼大睡，你說，沒病的在睡覺，帶病的去了吸塵，我如何過意得去？

所以當別人把老公送的鮮花禮物擺上Facebook 炫耀， 我雖然羨慕， 但絕對唔敢有咁嘅要求， 因為我問心有愧，在家務方面，我唔係一個好太太。哈哈…

P。S。如果你家中有個不愛做家務的，請多多包涵！我想提埋你地，唔喜歡做家務的人，如果你約佢一日「大搞清潔」，佢地係ok㗎，好幫得手㗎！