中成藥推介

病了兩星期，終於好返哂了，今次病我全部用中成藥，冇用過一粒西葯。其實西葯我認為可免則免，以前後生，身體可以捱下，而家人到中年，西葯傷肝，冇必要時唔好用。大人病唔同小朋友，大人其實可以用「自然療法」，等佢自己好返的，但我唔想等太耐，過程又唔想咁辛苦，所以我會用中成葯。

你可能會問，用中成葯，為什麼唔煲中葯呢？咪玩啦，病咗瞓多覺啦，仲要煲呢煲露，唔累咩！

要了解中成藥，首先要了解一下成份，我本人係好喜歡有加入「黃芩」的葯的，主要是因為它有消炎的作用。每次感冒，我都會咽喉發炎，喉嚨是我的弱點，所以我需要有抗炎作用的葯物。

了解多啲：https://wapbaike.baidu.com/item/黄苓/7271774

上面是 同仁堂 感冒葛根湯，我覺得每次飲完都會有舒緩作用，用來「預防」更有效，這幾天輪到爸爸病了，99就俾阿仔飲半包預防一下。同樣是同仁堂，但我覺得佢其他湯冇效，係 感冒葛根湯先有效。

下面的是「 感冒靈」，有真的又有假的，總之成份有「黃芩」先有效，有一隻包裝 一模一樣的，但係成份冇黃芩，我試過一啲效都冇。通常在華閏堂買的是真貨。

病好之後，有一段時間會有啲咳清唔到的話，就用 三蛇膽川貝液，温和有效又好好味，阿仔見親就流口水咁樣。

病完虛下虛下，腳部浮浮，一不小心涷親又再復發，咁就要食養陰丸啦，食完會覺得胸口暖暖地。

其實我今次仲有食到 蒲地藍的，不過香港唔覺有得賣，佢主要針對喉嚨痛。

了解多啲：https://wapbaike.baidu.com/item/蒲地蓝消炎片

如果返大陸，可以買到。不過我相信大家係會好怕在大陸買到假葯的，在大陸買葯要買有OTC字樣的。

右上角的標誌代表有OTC認證。

我暫時都未買過假葯，在淘寶淘的更加冇假（唔知係咪我地識揀，通常都選銷量大，評價好的），反而在香港本地葯房有時會買到假嘢....... ㄧ_一

可惜葯物出唔到境，想在香港淘都唔得，所以返親大陸就受人所托帶一大堆葯回來。