外強中乾

我99有個朋友， 佢女婿係一間政府醫院嘅資深醫生， 兩個孫都讀超級名校， 一個讀男校，一個讀男女校， 都學緊兩樣樂器。

前幾年， 個孫放榜， 奶奶嘅朋友打畀佢傾計， 訴說佢哋一家人心情都好緊張。 如果佢孫可以入到本地大學， 讀到佢心儀嘅科目， 咁就唔使出國留學， 大家都可以鬆一口氣。 最後佢個孫放咗榜， 因為讀嘅係名校， 所以英文成績非常好， 中文就冇講， 不過就係因為嗰科數學唔夠好，入不了心儀的大學和學系，最後就不得不去外國留學。另一個孫又係差不多情況。

我都奇怪， 話哂都係一個大醫生， 點解咁希望仔女喺本地升學呢？ 原來係錢嘅問題。最後兩個仔女都要留學，爸爸唔夠錢供，由冇結婚冇仔女，但人工高的阿姨幫手供去英國留學，每個小朋友每年五十萬，即係每年一百萬囉。

我其實覺得冇理由要阿姨幫手㗎，不過中產家庭，可能比我們想像的開支更大吧，供車供樓，供書教學，小朋友又學好多嘢，供養老人，又要去旅行。

這件事令我對我們覺得生活富裕的人有了不同的想法，有好多人表面風光，其實唔係想像中咁有錢。

好多人都以為中產個個都係想出國讀書，我就覺得呢啲係誤會。香港的港大科大中大，世界排名係40,44,58,其實係好高的排名，而且港人讀係好平的，去外國讀，有幾多個人讀到哈佛耶魯史丹福呢？其實大部分連任何一間長春藤大學都入唔到，畢業返來都係失業，使咗嗰兩百萬都幾難賺得返。

除非係公務員，子女去英國有支助，咁又唔同。總之，我認為真正想出國留學的人冇我們想像中咁多，因為本港唔係真係有咁多真正有錢的人。大部分都係「入唔到本地大學」才「被迫」出國的，只有少部分係數百萬當係碎銀的。