閱讀速度與理解相關嗎？

上年的班主任在學期初，上閱讀課時見我仔睇書太快，懷疑佢冇睇過，所以叫我仔將睇過的那本學校提供的書（大約像老鼠記者那種厚度吧）的內容講一次給她聽。結果阿仔有講俾老師聽，老師一面聽一面看，其實阿仔表達力一般，老師聽唔聽得明我就唔知，但應該都知佢有睇了，因為她沒有就此事投訴，我只是從阿仔口中得知此事，咁應該阿仔算過了關吧！

我仔睇書快，不過我從沒有懷疑過佢冇睇過，為什麼呢？因為孩子唔係一開始就係咁快，佢係每日快一點，做阿媽的係「唔覺唔覺」的，就好像孩子長高了，阿媽日日見面，都唔覺眼㗎！

暑假看了一本書，當中有討論過閱讀速度的問題，作者說自己看書很快，大約一分鐘三千字，而且「記憶理解度」有98巴仙。他說小時唔知自己快，係後來同人一齊看同一本書時發現的。後來他升中後加強訓練，看得更快。

快是快，問題是，究竟咁快又記唔記得？理解又會有幾多？我翻到我想看的資料，原來作者係用「默寫」的方法來檢測自己到底記得幾多，明白幾多，佢都係用這個方法知道自己學生的進度。

方法是給他一篇文章，看完立即收起，給紙筆叫佢默返出來。

我就即管又試下，我給兒子看兩篇文章，抽默一篇，用他自己的速度看，今次佢大約用了分幾鐘，看完之後叫他默，他呱呱叫，因為我並沒有預先跟他商量，怕會令他有壓力，又怕測得唔準，我是突擊測驗的，他最後都肯默，我強調只有這樣做才測得準，他總算明白了。為怕他不記得，我就不要求他寫得好看，錯別字亦不用理會，只要求他盡快寫下來。

原文：幽默的老媽

這是阿仔默出來的，字體肉酸，有錯別字就不要理會，重點是，從孩子默出來的東西很容易就知道孩子的理解度有多少，因為人不可能把自己不理解的東西默出來的。如果有一段不明白和不記得的，他會默不出來的。而默出來的最重要是意思，不用斟酌用字是否一樣。

我兒子到底記憶理解度有多少呢？我就不評論了，大家心中都有自己的尺。不過想知道自己的孩子「閱理解力」的家長，可試此方法。