唔識又扮識

復活節假時，攞咗啲公文數嚟畀阿仔做， 因為佢上次測驗，四則運算竟然失咗八分， 睇嚟係太耐沒操練所致。

點知佢做到好似蝸牛咁慢， 無論點催佢都係好慢。 媽媽留意到， 點解佢啲除式隔離又會計多一次乘嘅呢？ 爸爸話：「 可能佢驗算，以確保答案一定啱。」 過咗幾日佢都仲係計得慢， 我終於忍唔住問佢， 佢支吾以對， 再三追問， 佢終於承認自己係唔識計三位數除兩位數， 因為老師未教！！ 天呀， 老師未教你又唔出聲？ 點解唔問媽媽？

原來這幾天， 當佢唔識計， 就用乘數去計除數，咁就會搵到個答案填番上去。 怪唔之得咁鬼慢啦！

至於點解唔識計又唔問， 可能同做奧數的經驗有關， 奧數就是，唔識就用自己嘅方法，計到答案就得。 另外亦都有可能係佢自尊心作怪，唔鍾意話畀人聽佢唔識！