沒有「是旦」的人

其實我個仔真係都几難頂！

有一日朝早，我教佢做功課，我真是發哂脾氣！例如：我教他寫信俾表妹，他死都唔肯加表妹個名，佢話係私穩，唔想俾老師知表妹個名，咁我話你作個名咪得囉，佢又唔肯，佢心裡面其實係唔想寫多兩個字，超計較！😡如果係我，我一定會：是旦啦，寫多兩個字啫！（我就是一個充滿彈性的人）

但我知道老師一定覺得要有個名，因為範文全部有名，大家都知道，香港的老師古坂，通常範文係咁就要照跟。我便勸佢，結果要解釋到非常深層次，点解要有名呢？因為在「人性的弱點」一書的第一章已說了，人對自己的名字很敏感，收信的人看到自已的名字會有好感，所以要寫人地個名....... （下省一千字😓）

好了，終於肯寫名了，又為那個名是否正確而和我爭論一餐！！！

表妹的名字我知道，但其實我唔清楚係边兩個字的，於是是旦寫，同音便好，阿仔死都要問係咪呢兩個字，我話「是旦啦！」佢當然唔制，問長問短。点解佢咁小事都唔可以let go㗎！😵😵😵救命！

佢的字典係無「是但」兩个字！

呢個就係p和j的分別，j型的人太認真，真係難頂！可否在小事上「是旦」啲啦，唔該你啦！屋企有三個j型， 而且維度都好強，得我一個p, 成日都係我就佢地！天呀！

我要為p型人發出一声痛苦的呼叫！