速成砂鍋雲吞雞

清明節去婆婆家， 又去了圖書館，回來的時候比較晏，我要急著煮晚飯，心念一動，不如一味餸搞掂今晚嘅晚飯，於是就買咗雞、即食雲吞、蕃茄、白菜， 諗住一煲過煮咗佢，整返個砂鍋雲吞雞。

方法好簡單，將雞斬成四件用鹽醃一小時， 輕輕汆水， 加入 家樂牌清雞湯，去皮蕃茄，仲有幾粒紅棗，一齊煲大約 二十分鐘， 然後加入白菜再煲十分鐘。

將麵同雲吞淥熟備用。 整個雞湯煲完之後加入雲吞便可上桌了！快靚正！

今日寫這篇文章才Google食譜，原來要下豆漿令湯奶白，加金華火腿提升鮮味， 下次可以做得更好。

食譜：

http://winwinlady.blogspot.hk/2015/04/blog-post_9.html?m=1

婆婆指定要食我做嘅麵包，所以我做咗個香蔥花捲畀婆婆。 食得多甜嘅包都想換下口味， 食鹹味嘅。