愛打招呼的頑皮孩子

今朝送完兒子上學，回到大廈乘升降機的時候，一個老人家見到我，便說：「 你個仔返咗學喇？」我說：「 係呀！」他說：「 你教到個仔咁乖，真係難得。」 我知道他指的是，我兒子每朝早都大聲跟他打招呼， 雖然他並不認識我的兒子，但好幾年了，他也被這個有禮貌的小朋友打動。我笑笑地說：「 佢邊度乖呀?! 佢好鬼曳!」 老人家說：「 佢唔曳你就驚啦。」 我問為什麼，他說：「唔曳，一係就病咗，一係就智力有問題。」

老人家都認為，小朋友是要頑皮一點，才聰明的。 只有現代的老師，先至會喜歡乖嘅孩子， 因為乖孩子唔會為佢哋添麻煩。 如果你問老人家，點解越頑皮代表智力越高呢？其實佢哋答唔到你，呢啲只不過係經驗，中國人好多說法，都好有智慧，但係佢哋唔明白原因，而原因好簡單，等我解釋畀你聽。當一個小朋友，被人用乖 來形容的時候，佢就係唔探索，不探索智力增長會比較慢， 頑皮的孩子，因為接觸嘅事物多，就會越來越聰明。

怎樣令到一個頑皮的孩子，沒那麼討厭呢？便是 一定要教他禮貌， 當一個孩子有禮貌的時候，別人是比較可以接受他頑皮的，覺得他聰明活潑， 但當一個孩子又頑皮， 又沒有禮貌， 別人都會很討厭他。

總結，不要把你的頑皮孩子變成乖孩子，而是把你的頑皮孩子，變成有禮貌的孩子，無論多辛苦， 要付出多大的努力及耐心，也要堅持把它變成一個有禮貌的孩子。 訓練孩子有禮貌，不是一蹴而就的，尤其是頑皮的孩子， 必需要時間慢慢教導，培養他們與人打招呼的動機，才可以做到：就算媽媽不在身邊，他也有禮貌。