一號米

我以為世界上只有重組肉（漢堡扒), 原來還有重組米！

話說有一日去中山東區的鄭猛記叫個瑤柱蛋白炒飯, 阿姐話冇哂飯唔可以叫, 建議我們改為「一號米炒飯」, 我們覺得阿姐玩野, 又話冇飯？為左賺多我們¥20竟然咁玩野？結果我們又真係叫左呢個一號米炒飯, 體驗很特別, 呢D到底係唔係米？食落完全唔似一般米飯,係超級煙韌彈牙的, 然後一早話食飽了的米米突然肯添飯！又真係幾好食喎！

熱辣辣, 香噴噴, 超彈牙有點像炒米粉,只是形狀是飯。

初時我以為是印度米, 但味道真的不像任何米類。去求教Facebook 大神,又真係有一個人知喎！答的人很多,但我肯定這個答案是對的：一號米就是用米做的制成品。

用大米、食用玉米淀粉、小米、黑米.....後面我看不清楚了, 反正就是用那些材料合成的。因為是用機器压出來, 所以粒粒一模一樣的。

真相大白, 長知識了！