魚目混珠

由於金寶湯經常三罐一起賣，我intp型最好奇，我當然不同味各買一罐試下味。然後我終於發現，這一罐「忌廉蘑菇湯」是比其他味道的性價比高許多的！

為什麼呢？因為它特別濃稠，其他什麼忌廉雞湯之類的，是沒那麼濃稠的。同一個價錢，買一罐忌廉蘑菇湯等於三罐忌廉雞湯。有冇咁誇張呀？我唔知有冇三倍，但忌廉蘑菇湯倒出來是固體狀的(jelly)，用原罐加兩罐清水煮開味道剛好。但是，那罐忌廉雞湯，一打開就是liquid 狀的，我觉得加半罐水煮滾味道剛剛好。😅😅😅

所以，買金寶湯的話，忌廉蘑菇湯為首選。你可能會說，咁有人鍾意忌廉雞湯丶火腿忌廉湯的味道嘛！我就覺得忌廉蘑菇湯好味好多，因為你飲得呢D湯，就係喜歡忌廉濃香，有咩人會喜歡稀稀的忌廉！🙄他們連火腿粒都很少，不如自己買片火腿切粒加入忌廉蘑菇湯好了！🙄🙄我覺得金寶公司只是魚目混珠而已！

另外一個魚目混珠的品牌是公仔麵，我覺得九州特濃豬骨湯是特別足味的。

明明其他都是寫住 xx豬骨湯的，我便以為只是調味包不同，那包湯粉應該是一樣的，明明大家都叫豬骨湯嘛！後來才發現，不是的，只有九州豬骨湯的湯粉才是濃濃白白的，其他的湯包是比較削的，鮮味更是沒法比。

情況有點像男團或女團，一大團人，其實得一個係真正的顏值擔當，例如 TF boys, 三個其實係得王俊凱係堅靚仔的，但由於另外兩個穿差不多的衣服化差不多的妝混在一起，於是就可以以次充好。就算Twins才得那兩個人，明顯係得阿嬌靚過阿莎好多的。阿莎如果單獨出道，相信短時間內被淘汰，因為她樣子中上，但歌藝也不算好。

一團人只要有一個靚，就可以帶住同伴紅起來。其實twins或 TF boys都算好了，不是顔值擔當那幾個也不醜，溫拿五虎才離譜，得兩個靚仔(譚詠麟和鍾震濤)，一個唱得(譚詠麟)。而草猛呢，其實得一個唱歌掂(蔡一傑)....... 哎，總之樂團就是買豬肉搭豬骨囉！所以當Beyond 的豬肉死了，另外那幾舊豬骨散哂！

不過我覺得最神奇的是，鏡團一個靚仔都冇，一首好歌都冇，一把靚聲都冇，點解會紅起來嘅？真係百思不得其解。我好現實，你唔係特別靚仔或演技好，我係唔睇的，唔係特別靚聲，我係唔會聽的。大佬呀，人生時間有限，点睇到咁多聽到咁多呀！只選最好的吧！

不過，如果你不是選最好的東西買(注：最好的不代表是最貴的)，最好聽的歌來聽，最好看的劇來看，那代表你仍然年輕！所以你不在乎那些東西好不好，因為你還有大把時間去浪費。恭喜恭喜！