日吹日日吹

有個同學仔阿媽是「日吹」。

「日吹」即是吹捧日本的人，日日在 wechat分享吹虛日本的影片，我覺得真係頂佢唔順！

第一，吹捧日本冇假貨，天呀？日本冇假貨？咁小林制葯做咩要全體躹躬道歉呀？假左40年呀！葯物喎，葯物都敢假？！

小林高層躹躬道歉圖。

日本製造神話已殞落？

汽車又造假了20年！

仲有呀，做乜搞到福島核事故呀，咪又係有人做假報告囉！

日本冇假野都有人信？🙄🙄🙄有冇睇新聞架？！唔得閒睇新聞可以Google 一下日本造假。

第二，吹捧日本安全。話日本D小朋友隨街走都冇危險，治安好好。

嘩！連我都識一個日文詞語，叫「神隱」，即係失踪咁解。日本有幾多失踪 cases呀！你想知，睇youtuber 「X調查」啦，有名有姓，詳細事發經過，case多到我懶得睇，我住在香港四十年，都冇幾多單呢D野，咁都仲話日本安全。🙄🙄🙄日本仲有咩扮小丑在神地鐵無差別殺人呀，沙林毒氣呀(背後係邪教組織)，連首相都被人當街刺殺(殺手頂唔順首相和邪教組織關係密切)。咁都仲叫治安好？！🙄🙄🙄你在香港見過呢D場面未？

想睇幾多都有，少女呀丶孩子呀，失踪的案件多多都有得睇。

第三，吹捧日本教育。日吹說日本人怎樣怎樣教孩子自立能力，例如一個几歲的孩子自己揹五個不同大小的書包和袋子上學。

我心想：人家日本隨時地震，不從小訓練孩子拿包走佬的能力怎行？！香港又沒有地震，你訓練孩子拿那麼多包幹什麼？！😑😑😑

我最討厭那些訓練孩子幾歲就自己周圍去買東西的教育，萬一「神隱」了，你點賠返個仔俾我？！女仲更加危險，日本有幾多「痴漢」先得架！

話說我睇 YouTube 一個由日本移居香港的年輕人，他說他太愛香港了，用半咸淡廣東話數了十個香港的好處，有一些point真係我也沒想到過，因為自己日日生活在這裡，就像你天生有手有腳一樣，怎會感覺到幸福？他說他是來到香港才這樣活潑起來的，因為這裡生活很自由，日本社會很多規範。

我告訴米爸，同學仔阿媽日吹日日都吹喎，米爸說：「佢係活在30年前的世界，30年前，日本的確係好發達嘅！但而家死淨汽車業咋，好快都會被中國汽車打死添！」

哪，唔係我吹捧中國，呢D係有哂數字back up的東西，有興趣自己上網查下數據。連馬斯克都忍不住說：「日本即將消失！」

佢真係好口痕！大家都明知呢件事，只是不點破，他偏偏要說出來。

馬斯克「日本滅亡說」爆眾怒 但被罵的對象不是他

香港入口日本食物總量世界排第二，我們人口才七百萬，但入口量謹次14億人口的中國，證明香港人有多愛日本的東西。😅😅😅

所以我呢篇野應該得罪唔少日本粉！😜😜😜

BTW, 我也有喜歡的日本野，那就是動漫，但我唔知点解，呢D日本真正的好野又唔見佢地吹，係日日吹D假野！