昨日睇到這條新聞:
【大學聯招】JUPAS申請數字僅3.9萬人 數字創自2012年以來新低
算一算，18年前正是沙士肆虐香港的時候，因此大家都唔敢生，導致新生BB大減。
得38000人申請大學，我印象中大約有20000個學位，相比2012年的情況，64000人爭 20000個学位，今年的考生真係好著數。
我也有朋友的孩子是2003年出生的沙士妹，本來非常著數，但這個時候，父母送了她去加拿大升學。加拿大咁大，得一間大學打入QS 100，但香港咁細，就有四間在一百以內，我唔明點解要去外國讀(還要是一間不知名的大學)，父母又唔係有錢唔憂米那種，前兩年住寄宿家庭，都幾慘，那邊的寄宿家庭通常比較刻薄，有錢的住宿舍，舒適很多！反正就是，在家千日好，出外半朝難。
我覺得湊巧在沙士那幾年出生的孩子，一出生就已嬴在起跑線，那個朋友的女兒一出生已聰明伶俐，光芒四射，那幾年，學校收生緊張，學生特別珍貴，稍為成績好一點，都考全班頭三，全班頭三又等於全級頭三，因為得一班！😂😂😂
18年後，有人竟放棄香港的有利入大學條件去外國讀(當年沙士主要發生在香港，外國出生率是沒有影響的)，這不單是放棄了優勢，去外國還投入了另一個劣勢，因為今年又係新冠，在外國爆到彭彭聲，加拿大都好一點，英美恐怖到呢！你交了那麼多学費，突然停課上 zoom, 幾唔抵至得架！在香港不同，本地出生學費多便宜，真係捉到鹿唔識脫角。一手好牌打得稀巴爛！😓😓😓
不計數，用情緒來做決定，人生注定失敗的。為什麼咁唔著數都去外國？因為黃囉，聽說她父母打算揾多幾年学費就賣樓去外國會合。我就唔明，點解唔在香港讀埋個大學先一齊移民，到時新冠完結了，外國的就業環境都好D。你話現在她一個細路，在那邊中了招怎麼辦？
這個孩子由出生看到大，真係小時了了，嬴在起跑線，輸在終點線。你可能會說，咁人地可能出來做事很掂呢？！唉，只會比預計的差，不會更好。因為整個家庭make decisions 太F。如果我估錯，幾年後我寫一篇道歉文，通知大家，我估錯了！說得出做得到。
沒有留言:
發佈留言
歡迎來到好奇媽媽的世界！