孩子就是孩子

 

我兒子才中四，我就去睇大學的information day, 我很好奇，到底如果我不去看 information day, 孩子會自己去睇嗎？會安排自己參觀校園嗎？

中四學生應該還不會為自己安排，因為未殺到埋身，那中六生呢？

於是我搵一個中六學生來問下，他就是兒子中一舊校的先峰哥哥（學校安排給中一新生的大哥哥），他今年中六，就快考DSE，下年會入大學的了！由於舊校是 band one A中學，八成以上的學生能上八大，所以他應該今年要搜集資料，以準備填寫 jupas志願表。

結果呢，你估下？

當然是未有參加任何 information day！🤣🤣😂😂

他未至於像我兒子那樣，完全不知道有這些東西（中四生真係未知架），但他知道有，又不清楚什麼時候要報，但又知道科大information day 已經過左，卻又還未報那些未過的 information day啊！其實下星期六是浸大，再下星期是港大。他知道自己要做這件事，但不知道什麼時候做，又不上大學網頁找答案，又不去 Facebook like那些心儀大學的 page等它 feed自己，又不去 YouTube 睇大學放在上面的介紹影片！

孩子就是孩子！😅😅😅

你可能會說，湊巧你識呢個中六哥哥冇 je, 唔代表個個都好似佢咁架！

大家續間大學的 YouTube account 睇下啦！中大都係得256個訂閱咋，一年幾萬個考生，竟然才得256個訂閱！😬😬😬科大好D，好似有千幾個。考生每年有幾萬，咁家長都有幾萬架！訂閱量少成咁？😅😅😅

咁你又可能會說，人地唔訂閱唔代表冇睇D片架！睇埋D影片播放量更加oh my God. 😵😵😵求其一條低B影片cats playing piano 播放量都高大學的影片多多聲！

所以呢，小孩就是小孩，邊有得交哂D野俾佢自己做架！你要督住佢做架！唔係佢唔自覺，係未識呀！十幾歲其實好細個架咋！（雖然已經🐮高🐴大）

不過咁，那日去科大參觀校園，又真係有些高中生三五成群去參觀，所以都有少量學生係醒醒🐷來的。