超媽120 強化系與變化系父子

 

星期六丶日，兒子決定開始讀中五才教的 GCE physics 和 chemistry。然後他好像很痛苦地說看不懂。

爸爸悄悄跟我說：「點算呀，個仔睇唔明呀！」我沒有反應。

下午跑完步，兒子遠遠地走在前面（他好像突然不喜歡和父母走得太貼，爸爸說幫他抹汗他就逃開，很明顯「我長大了」的樣子），我倆走在後面，爸爸又說同一番話，表示他真的很擔心兒子讀不懂那些書。

我說：「佢以前都係咁架，一面讀一面說不明白架！然後待補習哥哥來，哥哥說他已有五成知識，難以置信他自己看也明五成。」爸爸聽完悄悄安心，我又說：「你心目中的『唔明』係完全看不懂，他說唔明，其實可能是唔明一半，他對自己的要求很高。」

爸爸恍然大悟，但又說：「咁你問下佢有幾多成唔識啦？」我說：「你問佢，佢會說假話，說自己完全唔識，然後又眼淚又鼻涕演起上來！」爸爸O嘴，問：「佢點解要騙我地？！！！」

我想了一想，比喻說：「因為佢係變化系，你係強化系的。」他知道我說那套卡通，但由於沒用心睇，所以不明白。

我解釋：「強化系的人簡單直接，變化系的人反覆無常又喜歡騙人。」

小傑（綠衣者）是強化系，奇犽（粉紫衣者）是變化系。有一集，奇犽問小傑：「你出招時一定要將招式名字叫出來架？咁敵人咪有準備囉？」小傑說：「係呀！唔叫出來我出唔到招架喎！」🤣🤣🤣

和我們家的情況一模一樣！我老公和我99，都係乜都會直接問我仔，又直接告訴個仔他們的要求，結果次次俾個仔玩一大輪。😅😅😅

其實，強化系咪即係 mbti的S型囉！變化系即係N型囉！

我的S型老公問：「咁我地點知個仔真唔明定係假唔明呀？」

我答：「好簡單，觀察，你見我入房找他，又斟水又給他吃糖，那就是我去觀察他的時候，如果成個鐘仲睇緊同一頁，即係真唔明囉！如果有進度，他又繼續看，即係明起碼五丶六成，否則看不下去的。」

老公🙄🙄又回到原點：「點解你唔直接問下佢？」

我說：「因為答案一定係假的。」

老公：😵😵😵！！

套卡通片去到最後幾集，小傑決戰炸彈魔，單純的小傑仍然是什麼招都會叫出來，結果被炸彈魔騙了炸傷了他的喉嚨及手, 不過主角嘛，最後一定會嬴返。相反，奇猗和對手決戰，全是圈套，對手被騙慘了！

除了奇猗是變化系，比司吉也是變化系，她將對手引去一個沒人的地方，然後露出嚇人的原形，把對手打殘。對手問：「你明明那麼強，為什麼要裝成小妹妹？」比司吉說：「因為我不喜歡原本的自己，又高又大隻！」

原來變化系之所以那麼喜歡騙人，可能是因為不喜歡原本的自己。也可能是為了嬴（e. g. 奇犽），又可能是為了貪玩（e. g. 西索）。

P. S. 大部分卡通片，S型才是主角，N型往往是配角，為什麼呢？因為S型佔人口八成，一部卡通要收得，當然以大多數人喜歡的性格來做主角，每個人都喜歡和自己差不多的人。單純的S型最討厭N型的陰謀鬼計，N型又不喜歡S型太不會轉彎。