英國生活費用

 

今日有個住屯門的朋友跟我說，最近她有很多黃C朋友移民了！我說😳：「住屯門的人都移民去英國？」不好意思，各位屯門博友，不是想說屯門窮，屯門當然也有有錢人，但我自己結婚前都係住屯門，我印象中，屯門大多數小朋友都係媽媽自己湊，即是全家得爸爸賺錢。住市區的人通常是兩公婆一起賺錢，所以通街小朋友都是工人湊的。

我朋友說：「咁佢賣咗層樓都有幾百萬啦，去英國買一層又大又平的，剩返D錢有排使....... 」

我聽完條錄音，以為她講緊馬來西亞，但其實她講的是英國。😅😅😅

我和這個朋友對英國生活的印象竟然相差那麼遠，在我心目中，在英國生活費一年起碼五丶六十萬，賣咗層樓去英國，夠用五丶六年咁啦！一定退唔到休的。

於是上網查下先：

英國生活費用

原來又真係無我想像中咁貴喎！（亦冇我朋友想像得咁平！）一家四口在英國生活五年大約一百八十幾萬啦！但你千萬別住倫敦囉！要住伯明翰之類的，聽說治安會差D，計埋間唔中被人打劫之類的，準備定二百萬啦！

另外，千萬不要中新冠！因為未做到英國本地居民，中咗的話，醫療費用可能是天文數字！

我諗極唔明，有成幾百萬cash，做乜唔去馬來西亞？（遲D自然會開鎖）成世唔使做啦！而且在那裡連生活成本也不用慳，日日出街食都得！以上二百萬 budget，在英國是慳慳地過活，自己煮，住危險的伯明翰。

去英國的話，找到工作可以活下去，找不到便會坐吃山崩。🤷‍♂️🤷‍♂️🤷‍♂️我本人不太喜歡工作，所以我什麼時候都是去選不用工作的那條路徑。😂😂😂馬來西亞一樣好自由㗎，冇共產黨喎！