怎樣將肉類切成薄片？

我一向刀功都麻麻地，因爲我怕刀，所以很少練習。

最近睇小高姐視頻學識，原來唔使刀工好都可以將肉片切到好薄。方法就係在肉類半解凍之時就要切。由於未完全解凍，它保持少少硬身，所以好容易切薄片。

我知道，我知道，你一定會問，假如我買的是新鮮肉，不用解凍，如何切成薄片呢？

其實很簡單，衹要將新鮮肉放入雪櫃冰格雪半小時，它便會硬硬地了。但記得半小時後拿出來哦。😝😜

順便介紹一下這個牛肉：

我是在「樓上」買的，切片炒真係完全唔韌，正！👍👍👍

這道簡單的番茄薯仔炒牛肉片，阿仔用嚟撈白飯，食得好快，真係啱曬小朋友。😂😂😂（注：黑色細點點係羅勒葉）

昨晚還試了一道新菜式，難得大少爺竟然唔抗拒，一口氣食咗六粒：

氣炸洋蔥韓國蠔。

也是在樓上買的，樓上的急凍產品真係好新鮮。🥰🥰🥰食落好甘鮮！