八歲之後會接受現實

 

今日新聞報道了一單慘劇，有個阿媽跟7歲仔的功課，最後自殺死咗。

聽説女死者有三個孩子，分别為5、6、7歲，最近疫情影響其生計，加埋衰仔唔生性壓力爆煲，一時看不開自殺。跟功課只是導火線而已。

我認為成件事最慘是她大仔。他以後的人生都会背負「害死阿媽」的罪名。

而死者反而唔慘，生咁多小朋友就預咗壓力会非常大，冇咁大個頭唔好戴咁大頂帽。每個人都有机会遇到經濟危机，香港是一個富裕社会，萬一失業咪攞綜援囉，政府不会見到三個小孩餓死都不顧的。所以那個女人完全没有自殺的必要，是她自己太情緒化而已。

有朋友説，小朋友咁細她就咁大壓力，將來青春期咪仲死？我指出，錯了，孩子八歲後，父母会自動接受現實，如果不是讀書材料，父母在六、七歲時的壓力是最大的（因為剛剛升小）。

据我朋友的出版社報料，八歲之後啲父母就会接受現實，唔会对子女期望過高。所以D教仔書全部都是賣俾有八歲以下子女的父母的。

其實那個阿媽衹要挨多一年，就唔會自殺架啦。而且她有三個孩子，可能其中一個讀得書，她自然會明白「龍生九子各有不同」的道理。