好心停課

跳舞群組已經新增到300人確診，我以為咁嘅疫情仲去跳舞的得一班傻師奶啫。

點知原來我仔間學校都係咁！

今日同一個同學阿媽傾偈先知，藍球班放學後在學校食飯盒再上堂！

有冇搞錯呀！除口罩食飯咁大風險！

教育局話上半日課，但D老師安排下午打波，咪仲弊過上足一日課！上課大家坐定定冇身體接觸，又戴住口罩。打波大家有身體接觸又喘氣，唔知會不會除埋口罩添！

個家長俾我睇，原來參加籃球班嘅人非常多，名單好似水蛇膥咁長，仲有其他足球班羽毛球班乜班物班都好受歡迎。好心啲家長啦疫情肆虐都仲安排小朋友上呢啲體育活動課。

我不安排兒子上課外體育活動課，145阿媽日日都俾說話我聽，說我兒子是書呆子。

我唯有send一D肺炎後遺症畀佢睇下，等佢理解一下現實情況和任性的後果！

其實嗰啲阿媽及學校老師個個都傻傻地，唔該教育局快啲放假啦！

大家請勿掉以輕心，新冠肺炎中咗就算醫返好，都冇咗半條命！

大佬咁辛苦先養到個仔健健康康，嗰啲任性家長唔係想一鋪清袋吓嘛！佢哋明唔明白乜嘢叫做因小失大？