氣炸鍋會致癌嗎？

氣炸鍋至癌之說，聽講是因為「高溫烹調食物」，然後我發現，人家花高價買的氣炸鍋原來有400度火的！我一看，我那部淘寶平貨，最高也只是200度火。😂😂😂

你可能會説，200度火也很高溫呀，水的沸點才100度。唉，説起這個，原來cheap機的火力是不夠的，我在群組説，金沙骨要200度叮25分鐘，被人說我這樣高温煮25分鐘一定燶，頂多185度八分鐘，不夠再加150度三分鐘好了。我那舊金沙骨，明明没有燶，200度25分鐘剛剛好甩骨，你說為什麼呢？很明顯是我那部機，不夠人家部「非離譜」靚機咁熱囉。🤣🤣🤣

你説好不好笑？氣炸鍋高温煮食會致癌，我部平嘢，反而不夠高温，所以不会致癌吧！😆😆😆

「怪唔之得我食咗氣炸食物都唔係好熱氣啦！」老公銳。

利刀去到殺手嘅手上面就係殺人武器，去到一個普通人嘅手裏邊就是煮餸用嘅刀具而已！

我加入咗氣炸群組，見到D人將已經炸好的食物翻炸例如油炸鬼，又買好多急凍已整好哂的什麽肉串呀，豬大腸呀，用來氣炸，最恐怖是有人買一大堆淨雞皮氣炸（我現在才知世界上是有淨雞皮賣的），當薯片咁食！噉食法想唔死都難！唔生癌都會肥死啦！

但係我的使用方法好正常嘅，例如先氣炸左條魚再用嚟煲湯代替煎魚，啲湯真係又清又好飲質素提高了。

用來炸雞，雞皮d油飆曬出嚟，唔使食咁多油更加健康，而且外脆內嫩。

又可以代替焗爐用嚟做新鮮麵包。（但有人係買急凍牛角包返嚟再炸的，那當然不好，食物被高溫重復再煮，不妥。）