全屋wifi無死角

自從搬咗新屋，因為新居係用光纖（舊居那個屋苑是用銅線），現在電視機清咗，全屋都收到 WiFi, 全無死角，轉咗彎的套厠都收到客廳的 WiFi. 爽！

這個Mercury是我淘寶80元買回來的，裝寬頻個師父當然唔識呢D國貨，猛話唔得，建議我們買一對呢D：

當時個師父仲裝緊，我們未知 Mercury 得唔得，之前的舊屋苑因為用銅線，完全發揮唔到呢隻 Mercury的強大功能。我唯有cap低幅圖先，心想：嘩，成千蚊咁貴嘅！希望唔使買啦！

結果佢裝完都唔敢叫我去D死角位試下，一通網就急急走了，怕我賴佢地公司唔掂，證明佢對呢D非名牌router幾咁冇信心！

但事實上，國內的router其實好鬼強架！大陸D屋幾大先得架！所以專門出「穿牆王」！

至於放在主人房的電腦，佢就建議買一隻接收WiFi 的手指插在電腦上，大約百多元啫！

我打算翌日去買，怎料個衰仔一放學，見狀，就拿了爸爸部三叔手機，用條線連接電腦，咁就上到網了！

吓？咁都得？咩原理，原來手機可以做電腦的 WiFi 接收器！衰仔果然好熟手機的功能喎！咁唔使買了，百幾蚊都慳返！

阿仔說：「係三叔先得，華為唔得喎！」🤔噢！