東亞搬運

 今次搬屋用咗東亞，覺得唔錯。

本來我們係搵迦南搬屋，但用 WhatsApp 報咗價出來係五千元，老公覺得貴，問它可否平少少，它不肯減，我們只好搵東亞，東亞是上門報價的，我在他面前說已揾了迦南報價，他報出來是$4100, 其實一百元是按金，歸還全部紙箱二十個便可取回按金。他說知道我們已找了迦南報價，所以打咗個折俾我地。

全個搬屋過程完成後，我覺得很滿意，原因如下：

（1）下訂後立即俾一本說明書教你如何分類及編號，有齊 sticker, 俾埋紙箱和泡泡紙等，有條不紊。

（2）上一次搬屋，個阿伯師父將我家的衣櫃裝到後面起咗個卜，今次個師父係後生仔，反而裝得頭頭是道，完全冇「夾硬來」。

（3）雜物二十個紙箱及六個大膠袋裝衣服，結果都裝唔哂，有些東西包不起來，但冇額外收錢！

（4）師父個個係正常人，冇粗口爛舌，冇問攞利是，冇手腳唔乾淨。但我們自己也留個心眼，貴重物品自己提早一日拿了過去新屋鎖了起來。我老公說廿幾年前佢搬屋唔見咗支 XO, 支酒仲貴過成個搬屋的使費。😅😅😅

其實我覺四千元真係唔算貴，佢地三個師父，做咗成個早上，付出很多體力，還要同公司分，還有這種工作不是天天有工開的，所以真係唔貴。

我睇其中一個師父已經寒背，可能是負重太多的原故，所以，我唔想我仔將來要做這類工作，都係繼續虎媽🐯，迫阿仔讀書。