發財立品

今朝看 tvb新聞，知道黎智英被捉了，一點不出奇，但他兩個兒子也被捉了，我就估唔到。之前黎智英說「禍不及妻兒」，叫人放過佢家人，仲被屈穎妍取笑：「警察全家被人肉起底時，又唔見你黎智英說說禍不及妻兒？你而家知肉赤了嗎？」

其實共產黨發財立品，已經好耐冇捉人地的的子女。記得十年前，我叔仔揶揄說：「唓，而家的共產黨都唔係共產黨！搞到我地呢D支持者都睇唔起佢。嗰D反共人士在香港咁惡，應該捉佢地D子女打跛隻腳，睇佢地以後仲敢唔敢出聲！」

我叔仔係超幽默的人，我們都知道佢講笑，笑到人仰馬翻。🤣🤣🤣

不過佢又真係指出咗一個事實，共產黨越來越守法，做事依章程，應該是發財立品了吧！相反美國越來越撕破臉，不依自己一直宣揚的規則做事。例如殺伊朗的第二領導人，將人家的國家正規軍定義為恐怖分子，漠視人權。又例如破壞自己一直倡議的自由貿易，搞 tiktok 搞華為，唔俾盟友自由選用華為。

原來，邊個窮，邊個就會不擇手段發窮惡，只有發了財的人，才顧及自己的名義，不敢亂來。

所以，黎智英的兒子不會被打斷腿，也不會被冤枉，會被正式入罪，如果沒有做過，都唔使驚嘅！但佢地幾十年來冇幫過黎智英手？你信嗎？