沒有時間感的人

今朝七時未到給母親大人的電話嘈醒，她叫醒我，因為今日我約了她九時陪她覆診。我無奈地說：「我屋企距離醫院只得幾個地鐵站，就算加埋梳洗吃早餐的時間，一小時乜都夠啦，何況我唔食早餐？你使唔使七點打來嘈醒全屋人？」之後我當然是瞓唔返了。

在床上輾轉反側之際，我開始思考：到底為什麼那麼多人不能掌握時間？

我以前約親朋友，佢地都習慣遲到，半小時至一小時閒閒地。

有一個朋友最離譜，聚會可以遲兩小時才到。有一次她向我們訴苦，說約咗一班同事去公司核數，在地鐵站等，結果佢遲到，搞到所有同事等佢一個，佢抱怨有其中一個男同事黑面加單打佢，唔放過佢（呢個同事好明顯係強stj型）, 最後佢出動到「女人的眼淚」才收到科。我聽完心想：「可惜你到而家都未知自己錯。」

另一個朋友也很經典，同男朋友去旅行返程時可以两人一起遲到，飛機飛走咗，滯留當地。😅😅😅

我不太明白，為什麼那麼多人沒時間觀念，我老媽不是遲到就是早到一至兩小時。

我懷疑她們的生物時鐘失靈了！