冇蛋糕食都要食麵包原則

爸爸和99都唔鍾意阿仔在家做ten minutes workout（高強度運動）, 佢地話做運動一定要出室外做先有用，因為室外有更多氧氣，對身體才有益.......下刪「室外做的運動才是運動理論」一千字。

我😑😑😑聽完，說：「出面落緊大雨喎！点出去？」佢地話等好天先。

我😑😑😑又說：「囗罩令喎，戴住口罩跑步會氣絕身亡的。」😷😷😷

他們沒話說，但總之就反對在家做運動。

我😠說：「大佬呀！鬼唔知去室外做帶氧運動好咩！就好似蛋糕好味又營養過麵包咁，但而家冇蛋糕食，都要食麵包架！」

這個蛋糕麵包說，是法國大革命前夕，法國皇后接受媒體訪問時說的，當時人民爭取「自由，和平，麵包」，皇后問記者：「佢地冇麵包食，點解唔食蛋糕？」此問暴露了皇后不知民間疾苦至難以想像的地步，搞到民怨沸騰。

說回做運動，其實不是出外做運動不好，但疫情加天氣，出唔到去，唔通就干脆不做運動嗎？冇蛋糕食，就堅持不吃麵包，寧願餓死嗎？

最後，爸爸和99死死地氣贊同兒子在家做運動。爸爸死死地氣去去淘返張瑜伽墊，因為大家都知，呢D係長期的事。

除了做運動，其他事情也一樣，必須遵守「冇蛋糕食都要食麵包原則」。舉個例：有人同我講，小朋友一定要同真人英文對話才学到英文，睇DVD冇互動唔得架！

😂鬼唔知咩，最好請個 native speaker 來教來互動添，但係咪人人請得起先，你請唔起，連DVD都唔播，自己又唔同個女講嘢，結果搞到個女淨係識口齒不清的印傭式廣東話。搞乜呀！

又舉個例，美國話中國出口的口罩唔合佢地標準，所以寧願唔戴，結果咪付出人命代價囉！

世事邊有咁完美，乜都最好先肯用？有病！