終於肯派錢了！

昨日教育局宣布延長假期至復活節假期後，我一點也不驚奇！因為三月十六日開學的話，返十多天又放復活節，瞎折滕一番，如果有小朋友冇口罩又麻煩，中咗又會賴政府。

但今日肯派一萬元現金，我是有驚喜的，上星期葉劉淑儀建議派一萬元本地消費券刺激經濟，我已十分贊成，現在派現金就更加贊成啦！我們不用想如何使用，喜歡怎樣用就怎樣用！

次次有人建議派錢，林鄭就否決，好似當D錢係佢私己。其實香港儲備有三萬四千億，每人派一萬才用了六百億，簡直九牛一毛！任志剛計過，應該派900億仍焯焯有餘（3萬4千億，買低風險債券有3厘息，一年利息有千幾億），即係每人萬五才對。

葉劉淑儀話由於上次派過六千元，已經有一個system, 用返就得，希望他們唔再蝦 look, 唔好再派到唔湯唔水咁。香港政府就是資本主義制度下的官療主義作風，成日想唔做唔錯，結果激到市民發哂火！