I don't eat bats

在外國人的群組見到有人自認是吃蝙蝠的中國人，我真係忍不住立即回應及劃清界線。

再出多個 post話俾外國人知，大部分中國人都唔食野味㗎！大佬，請你都唔會飲蝙蝠湯啦！痴線咩！

我老公和仔連「蘆菇」都唔食㗎，話未食過的東西不吃為妙喎！

真係要同食野味補身的無知一族族畫清界線。為什麼要畫清界線？話自己係「香港人」，唔係 Chinese 咪得囉！

你咪咁傻啦，連越南人在貨櫃車死咗，佢地都係叫 Chinese 呀，唔好玩啦，你以為外國人識分「HongKonger」和 Chinese? 咁你識唔識分蘇格蘭人和愛爾蘭人呢？在我們眼中，咪全部都叫「鬼佬」囉！

在外國人眼中，我們是這樣的：

白人覺得自己血統很高貴的，就算你講得一口流利英語，就算你幾咁陶傑，唔好意思，你就是那個黃皮膚，咪咪眼的「不高貴品種」。

唔高貴我認呀，但我唔係變態㗎，我唔食蝙蝠架！

食蝙蝠嗰D影衰哂我地！