從永暑礁看中國的執著

今日想用一個例子來證明一下中國對領土的執著，各位黃絲唔好走住，要了解你的對手是什麼想法，知己知彼，才能百戰百勝。😁

圖片中展示的是永暑礁的其中一塊礁石，永暑礁就是在越南附近的海上的幾十塊礁石囉，睇落完全唔值錢。南海爭端的一部分，就是越南人說永暑礁是他們的，中國說是自己的，於是中國就派「守礁戰士」死守，他們就建間茅房在那裡死守。真係得幾個人在茫茫大海中守住幾舊石。以前1988年中國好窮，只可以咁樣死守。

但後來中國越來越有錢，就不停加建，現在已是一個人工島，叫「永暑島」，算係軍事基地，島上全是戰機，就對住越南人。

中國對守護國土真是很執著，肯定係強J型的。不過中國又真是冇入侵他國的紀錄喎，他們都幾均真，係自己的土地一寸也不讓（俄國那邊仲有很多中國土地未收得返），係人家的又不會霸佔。所以你睇世界各地都冇中國殖民地的，以前漢唐清都好強盛，但又真是不會侵略別人的。就算派鄭和出去，都係文化交流下㗎咋！

好了，回歸正題，其實中國係完全冇機會俾香港獨立的，唔好用西方人的角度去思考中國領導。我知黃絲想搞公投獨立，不過中國做事唔係外國人的做法。

外國人係會容許公投的，然後投了之後又可能唔想承認結果，有啲投咗，已經決定獨立，但國家唔俾，好像西班牙嗰單咁。

中國呢，你敢搞公投，明天解放軍就在立法會門口了，強INTJ型的政府(中國政府)，一定係你未動手，她已做好準備，因為中國對領土有我們難以理解的執著。

真的，我這種P型人唔明白中國點解對領土咁執著的，例如台灣，我唔明為何一定要收返，有利又有弊，真是收咗未必好，但經過我觀察，你明也好不明也好，中國對土地那種執著的態度是實實在在的。

好了，咁中國唔肯俾香港公投啫，美國撐腰，中國會驚㗎！下集講下大家的軍事力量囉～

P.S.攻擊性留言會立即被刪除。