舉個例，無論幾有益嘅食物， 吃多了就會對身體有傷害， 無論幾冇益嘅食物， 食少少唔會對身體有好大影響， 仲可以培養身體對不同食物的適應性。
同樣地， 言論自由不一定只有好處。 過多嘅言論自由會造成紛爭不斷，聲音太多，動作太少， 人人都在花大量時間空談。 你看看， 英國脫歐傾咗咁耐， 都係不斷投票又投票， 投票完不滿又再傾過， 人生就咁樣浪費咗喇！
上天對人類嘅設計， 少數嘅人係聰明人， 大多數嘅人都平凡， 如果用精英治國， 國家就會繁榮昌盛， 用大多數人商量來治國， 國家就會走向滅亡， 因為三個臭皮匠加埋，絕對不會等於一個諸葛亮。 臭皮匠就是臭皮匠，就算三千個都是臭皮匠。
香港有無窮無盡的言論自由，所以有蘋果日報，我老豆看了蘋果日報三四十年，結果畀佢害死咗。我不是說思想上害死，是知識上害死。
話說蘋果日報有一個專欄係由嚴浩執筆，這個人又不是醫生，但日日教人 治療嚴重疾病，例如癌症。 我都不明白為什麼香港會沒有人管制這些 沒有醫療牌照的人寫專欄， 直接接觸普羅大眾（ 阿公阿婆好多都係無知的）， 他推介的布緯食療， 簡直胡說八道。 他昌議要餓死癌細胞， 結果人都畀佢餓死咗。 我老豆沒有癌症， 但他為了預防癌症， 嚴格執行布緯食療， 簡單講就係不正常飲食， 我們勸他死也不肯聽， 結果這樣吃一年之後，身體急速衰退， 最後， 中了流感， 便一命嗚呼！當然， 無可否認我老豆太蠢，信一個無牌醫生， 但如果言論自由是有管制的， 就不會發生這樣的事。
我認為太多無知的人需要受到保護， 無止境的言論自由是一種毒藥。
沒有留言:
發佈留言
歡迎來到好奇媽媽的世界！