保證不會死人

今朝看新聞，黃之峰和何韻詩去了美國要求美國介入香港事務，中國照例回應：我們家事關你美國叉事咩！

就像隔壁屋打仔，你鄰居如果要介入，一定要見血，傷人命。香港事務亦一樣，所以只要示威者唔重傷，唔搞出人命（唔知被示威者打到危殆的男人死咗未？），美國是出唔到手的，連出口也不能，中國一句「家事」，美國次次都冇回應的，因為唔知可以點回。

最近有舉紅旗的愛國人聚集要求警方執法，其實很多撐藍的人士私下已經恨得牙癢癢，希望警方「用真暴力」。

我告訴大家：警方絕對不會出手的。

為什麼？

因為警方一出真暴力，就有可能拿捏不準，到時真是有示威者死咗，就會影響到北京。

點影響？

現在中美是打緊貿易戰的，現時各國全部袖手旁觀，不摻和，由得中美自己分勝負。但一旦香港事務搞大咗，各國聯手幫美國一齊搞「民主歡樂頌」，咁中國就好大鑊了！

所以我好肯定，警方接到的指示是「忍耐」，「絕對不能死人」。警察公共關係科日日出來澄清呢樣嗰樣，就證明了警察行的是「出口唔出手」政策。

隔壁家那個小孩叫得越大聲，鄰居越不能過來，因為他明顯很精神，沒受傷。所以黃何兩人走去全世界，中國都放行，這樣才能證明他們很自由。如果香港已經沒有「一國兩際」，黃何早就消失咗了！

對付很鬧事的孩子，中國家長唯有俾個屋企他掟爛，這樣的破壞比起輸掉貿易戰，只是小事。

所以各位撐黃撐藍人士，唔好望有示威者會死了，只要香港警察冇個別人痴咗線唔聽命令，咩事都唔會發生。