麻蓉包

繼續清屋企的芝麻，清得最快的方法是做麻蓉包。

基本上識做白饅頭就一定識做，所以白饅頭是包點入門，未做過的blog友一定要試下。

饅頭麵團是450克麵粉，250克室溫水，4.5克酵母，加少少菜油。

99投訴我第一次做的麻蓉包磨得唔夠細，所以我今次用石磨來磨細它，原來真係香好多！

秘密武器是麥牙糖，加入磨碎的芝麻中拌混，就立即可以用來包包子了，真是快靚正！

麵團已發好，餡已ready, 可以包了，方法就和一般包包子一樣，唔識就去YouTube學。

包好就等到它變兩倍大，可以蒸了！中火蒸18分鐘，關火後要等5分鐘才可開蓋。

又鬆軟又美味！

這個麥牙糖做的麻蓉包唔太甜，大家喜歡甜的自己加多啲糖。不過我勸大家可以唔加就唔加。

99說麥牙糖很有益，比一般糖健康很多！

今次99投訴餡唔夠多，哈哈哈…