小蘇打加醋

只要你在YouTube打「小蘇打」，就會有很多小蘇打的用途的影片。上次淘寶，我都淘咗兩大支，因為價錢很平，一瓶500g才7.8元人仔，新年買一送一。

除了可以做蛋糕，還可以通渠，洗厠所，洗油積，一句講哂，一瓶小蘇打就代替了潔厠得，藍威寶，通渠佬，cif等等。不傷皮膚，冇毒冇色冇味！

我首先試下用來抹抽油煙機，小蘇打係好平，但去油污要加醋，醋的分量比我想像中用得多，醋唔平啊！

厨房牆壁有油污。

用小蘇打加醋混合物捽，就走埋一舊，中間位乾淨哂，但我用cif唔使自己溝，方便啲喎！我都係用返cif算了。

這兩個充滿萬年油積的抽氣扇隔油杯，倒啲小蘇打粉，一加醋就冒出白泡，終於知道武俠片的毒酒係點整，細個唔明啲「毒酒」何解會有泡，原來係小蘇打加醋。

嗱，油杯上的油積用小蘇打加醋浸完，一抹就乾淨哂。

何解咁富貴用sushi醋唔用平價的白醋？因為白醋好快用哂，我企咗喺度，然後深入不毛之地，摷到支sushi醋，竟然已過期一年，咁就用它了！

下次試下其他用途先，這個清潔過程都幾好睇，所以叫了阿仔來參觀，好像做實驗咁，幾得意。