生煎包

本來今日開學，但阿仔中咗流感，發了燒兩日，晚上冇覺好瞓，我們打算給他休息多幾天才上學。

因為阿仔臥病，我沒事好做，又不能去街，於是決定試整幾個小高姐介紹的菜式。

午餐試做「水煎包」。

個底是脆卜卜的，因為是用生粉水煎的。

這個餡是牛肉，唐芹和韓國紅薯粉絲。我覺得這個配搭很特別，唐芹很香，粉絲吸收了牛肉餡多餘的水份，十分不錯。唯一我覺得要改良的是用清雞湯代替清水開牛肉餡，這樣會更鮮味。小高姐是北方人，唔識呢招。這是廣東人的方法。

我也不知道為什麼水煎包是餃子型的，要問小高姐才知。

第一鍋叫老公煎，他用猛火煎燶了底，所以大家記住用中細火，慢慢煎，睇到個底金黃色就下生粉水，蓋上蓋子，煎至冇水。

差不多冇水就打開蓋子，企定定望住它水全乾哂就關火。

反轉睇睇，幾靚仔！

個底比就咁加水煎係脆啲㗎！

至於點整，大家都係睇反小高姐的示範啦！條片下面有食譜。

其實我好喜歡中式包點，因為可以當正餐食，有澱粉有肉，甚至有埋菜，煲個湯，就咩營養都有齊，吃完很舒服。

而學西餐焗麵包曲奇之類，就下下要用牛油和大量糖，一定不能單獨當一餐。

所以，我愛中式包點。