模仿對象的重要性

我哋日日講，應該要令小朋友有人生目標 ，有人生方向，其實要做到呢一點都幾困難！

因為小朋友冇人生經驗 ，佢又點會知道邊一個方向係適合自己嘅呢 ？我哋好多大人自己都未搞清楚自己想點， 何況小朋友呢？

有一個最簡單嘅方法可以令到小朋友嘅方向清晰， 就係為佢樹立一個模仿對象。 如果有一個典型嘅例子，係足以成為你嘅小朋友嘅模仿對象， 你就要好好把握， 令到自己嘅小朋友喜歡呢一個模仿對象， 一步一腳印咁跟住佢行走。

沈詩鈞爸爸成日都話要同小朋友睇名人傳記， 其實就係令小朋友有 模仿 嘅對象嘅方法。 世界上所有成功人士都係有相似嘅命運， 佢哋遇到嘅困難都唔同， 但係好肯定係成功之前，佢哋都曾經遇到好多困難， 然後因為佢哋克服咗困難就達到成功嘅境界。 成功嘅故事好似千篇一律咁！ 只要多啲同小朋友睇呢啲故事， 佢哋就會明白要達到成功必須要刻苦學習。

如果你身邊有幾個比你孩子年長嘅 朋友仔， 而佢哋又好成功嘅話， 記得要多啲鼓勵佢哋交往， 令佢哋成為你個仔嘅模仿對象。