不要留在舒適區

早幾日在圖書館見到 鬼吹燈之精絕古城， 我又借返嚟畀阿仔睇。 這套系列書在一年之前被奶奶禁咗， 因為個名恐怖， 個封面又恐怖。其實內容是盜墓， 驚險刺激， 但係唔算恐怖，不過老人家保護孩子之心強烈，我就暫時擱下。

前兩天，奶奶去咗買餸， 我就拿這本書出嚟叫阿仔睇， 我順便問下仔：「 你知唔知點解媽咪成日畀啲，程度畀你而家睇緊既野深嘅書畀你睇？」

阿仔答：「 因為你唔想我留喺舒適區。」

正確呀，果然是我肚裡生出來的小虫虫。

閱讀是需要跳級的，當孩子留在同一級數太久，就很容易失去閱讀興趣，而且同一級別的辭彙量也差不多，內容也相似，學習到的東西就慢慢減少。所以，間中我就會跳一下，例如這本鬼吹燈，就比兒子平時看的青少年小說要深要厚。

通常暑假一到，我就會拿一套有難度的來給他挑戰一下。上年他看了「 瑯琊榜」。

至於這本「 鬼吹燈」，原來只是 張飛吃豆芽（ 小菜一碟），阿仔兩日就看完了。

他看了半本，我開始播「 鬼吹燈之 精絕古城」 電視劇給他看（考完試又沒功課，真好），我說：「你看書的速度要快過劇情啊，否則就我不播下去了，因為看過劇的話，書就不好看了，所以一定要先看書再看劇。」

上年太小，我們不敢播這類劇集給他看，今年他長大了，可以接受了，而且，先看書知道了內容，就不會太害怕了！