第一個金獎

好奇媽今日很開心，因為阿仔終於破蛋，在公開比賽拿了個金獎，以前拿的都是銀獎。這個比賽規模比奧數賽細，所以兒子才能拿到金獎，開心不是因為覺得兒子很叻，而是感動呀！終於找到阿仔的強項。其實要找到一樣拿到金獎的東西唔容易㗎，例如數學比賽，阿仔次次都係得銀獎（玩了四年奧數賽），好似一世都拿唔到金獎咁。不過我知人地拿金的有幾努力，所以無話可說。

今次拿這個獎要多謝一個朋友，因為我本來想「祼考」的，因為我覺得去到油麻地買本書俾佢參考，好麻煩。但個朋友抦我：「你係全職主婦，全香港有幾多個人得閒過你？我地由澳門過來買奧數練習都未話遠，你話遠？！」我話買咗邊有時間做呀？佢話：「你都話冇時間做，仲有邊個有？」我一想，又是啊！我仔應該係全港最少補習及興趣班的小朋友之一了！

我仲要住九龍區，去油麻地買練習都係搭十個站地鐵啫~

聽完佢講我立即去買了本參考書回來，呢本嘢一百蚊。

內容大約係初中的science, biology, physics混合，有講解有小練習，包埋幾年passpaper.

所以，有時被朋友坦率咁抦下，係應該的。買了這本參考書後是Easter Holiday, 每日做少少。

有興趣的博友，下年也來參加吧！

有10percent的人拿金獎，20percent拿銀，30percent拿銅，即有一半機會有獎，都幾值得玩。